(1) Bwipuzho, (2) Kinembelo, ne (3) Kitango

Jishinda japela ja kushilamo buku wa Nanchi Baibolo Kine Ufunjisha’mba Ka? ke jino (1) ipuzhai bwipuzho bwa kulengela muntu kwambapo, (2) tangai kinembelo kyafwainwa, kabiji ne (3) kumumwesha mwina nzubo kitango mu buku kyaamba pa yewo mutwe kupichila mu kutanga mepuzho akutendekelapo aji munshi ya mutwe wa kitango. Umvwe mwina nzubo wamwesha lusekelo, mwakonsha kumulumbulwila bya kufunda lufunjisho lwa Baibolo kwingijisha mapalagalafu atanshi a kyokyo kitango. Jino jishinda ja kusolomokelamo jakonsha kwingijishiwa kutendeka lufunjisho pa lwendo lutanshi nangwa kimye kya kubwelako.

◼ “Nanchi kyakonsheka atweba bantutu kumuyuka Mulenga wa bulume bonse byonka byo kyanembwa papo mu Baibolo nyi?” Tangai Byubilo 17:26, 27, kabiji ne kuleka akumbule. Apa bino mu mumweshe kitango 1.

◼ “Na mambo a makatazho o tupitamo lelo jino, abya twakonsha kutana lutekenesho ne luketekelo lwalumbululwa papo nyi?” Tangai Loma 15:​4, ne kuleka akumbule. Apa bino mu mumweshe kitango 2.

◼ “Umvwe mwajinga na bulume bwa kuba bino, nanchi mwakonsha kuletako luno lupimpu nyi?” Tangai Lumwekesho 21:4, ne kuleka akumbule. Apa bino mu mumweshe kitango 3.

◼ “Abya mulanguluka’mba baana betu bakeyowa bwikalo bwalondololwa mu iwe lwimbo wa kunyuma nyi?” Tangai Masalamo 37:10, 11, ne kuleka akumbule. Apa bino mu mumweshe kitango 3.

◼ “Nanchi mulanguluka’mba juba jikafika bino byambo po bikafikizhiwa nyi?” Tangai Isaya 33:24, ne kuleka akumbule. Apa bino mu mumweshe kitango 3.

◼ “Nanchi mwakilangulukapo kala kuba’mba bafu bayuka bibena kuba bantu bomi nyi?” Lekai akumbule. Apa bino mutange Musapwishi 9:5, ne kumumwesha kitango 6.

◼ “Abya mulanguluka kuba’mba kyakonsheka kukamona jibiji batemwe betu bafwa byonka byaambile Yesu mu bibye byepelo nyi?” Tangai Yoano 5:28, 29, ne kuleka akumbule. Apa bino mu mumweshe kitango 7.

◼ “Mu milanguluko yenu, ki ka kyafwainwa kubiwa pa kuba’mba kyaswa muchima wa Lesa kyubiwe panopantanda, byonka byo kyubiwa mwiulu, kwesakana na byo kyaambiwa mu luno lulombelo lwayukanyikwa?” Tangai Mateo 6:9, 10, ne kumuleka akumbule. Apa bino mu mumweshe kitango 8.

◼ “Abya mulanguluka kuba’mba tubena kwikala mu kimye kyatongolwa mu bubwe bungauzhi nyi?” Tangai 2 Timoti 3:1-4, ne kumuleka akumbule. Apa bino mu mumweshe kitango 9.

◼ “Bantu bavula bakumya bingi ene mambo makatazho ku bantu kyo abena kuvujilakotu. Abya mwakilangulukapo kala kuba’mba kino kyo kilengela nyi?” Tangai Lumwekesho 12:9, ne kuleka akumbule. Apa bino mu mumweshe kitanga 10.

◼ “Abya mwakikebapo kala kuyuka mukumbu ku bwipuzho buji nobe bubwe nyi?” Tangai Yoba 21:7, ne kuleka akumbule. Apa bino mu mumweshe kitango 11.

◼ “Nanchi mulanguluka kuba’mba kulondela jino jifunde ja mu Baibolo kwafwainwa kukwasha bantu kwikala na kisemi kya lusekelo nyi?” Tangai Efisesa 5:33, ne kuleka akumbule. Apa bino mu mumweshe kitango 14.

Mwakonsha kunemba sawakya wenu wa lufunjisho lwa Baibolo panyuma ya kufunjisha bimye bibiji kufuma po mwatanchikile bya kufunda kabiji inge mwamona’mba lufunjisho lukatwajijila.