Kabokoshi Ka Mepuzho

◼ Ñanyi mabuku abiji o bafwainwa kufundamo bantu botufunjisha Baibolo?

Buku wa Baibolo Ufunjisha ye buku ye twingijisha kutendekelamo ne kufunjisha mafunjisho a Baibolo. Nangwa kya kuba kijitu bulongo kutendekela lufunjisho lwa Baibolo mu buku ungi nangwa mu talakiti, twafwainwa kumona’mba bukiji bukiji twamuleka ne kutuntulukila mu buku wa Baibolo Ufunjisha. Mu kwingijisha buku wa Baibolo Ufunjisha kutendekelamo mafunjisho a Baibolo mwafuma bintu byawama bingi.

Umvwe muntu wapwisha kufunda buku wa Baibolo Ufunjisha kabiji mwamona ne kuba’mba ubena kuba bingi bulongo, mwafwainwa kutendeka nanji mu buku wa Popwelai Lesa. (Kolo. 2:7) Nkebelo ya uno buku yalumbululwa pa peja 2 amba: “Baibolo watundaika bonse batemwa Lesa ‘kukwatakanya pamo bukine bwanji . . . mu bula bwabo ne mu kuzhika kwabo.’ (Efi. 3:18) Uno buku kyo kyo anengezhewelwa. Twaketekela kuba namba usakwimukwasha kukoma ku mupashi, kwikala benengezha bulongo kwenda mu jishinda jakepa jaya ku bumi mu ntanda ya Lesa ipya ya bololoke.”

Umvwe ye mufunjisha Baibolo wafikilamo kubatizwa saka akyangye kupwisha ano mabuku onse abiji, mwafwainwa kutwajijila na kumufunjisha kufikilatu ne byo akapwisha buku wa bubiji. Nangwa kya kuba uno ufunda Baibolo wabatizwa, musapwishi umufunjisha wafwainwa kubala kimye, kubwelako, ne kunemba lufunjisho lwa Baibolo. Uno musapwishi umvwe waya na mukwabo, awo mukwabo naye wakonsha kubala kimye.