Bya Kwamba pa Kusha Magazini

Kyamba kya Usopa April–June

“Bantu bavula baambapo bintu byavula bingi pa byajinga Yesu, kimye kyo asemekelwe, kukeba kuyuka kana Lesa nyi, kabiji ne bikwabotu. Nanchi mulanguluka’mba kyanema kuyuka bino bintu nyi? [Lekai akumbule.] Monai byaamba Baibolo pa mambo a mfweto ya kuyuka bukine pe aye ne Shanji.” Tangai Yoano 17:3.

Awake! June

“Machechi javula alipilisha bantu mali pa kubatizwa, pa kwisongola ne pa lufu. Nanchi kuba bino kujitu bulongo nyi? [Lekai akumbule.] Akimonai ino mikambizho Yesu yo apele baana banji ba bwanga. [Tangai Mateo 10:7, 8b.] Kino kibaba kyamwesha Baibolo byo aamba pa mambo a kulipilisha mingilo ya kipwilo.” Mumweshai kibaba kyatendekela pa jipa 22.

Kyamba kya Usopa April–June

“Mwapita bwikalo bwa bantu, bandamabyalo baswana pa bufumu ne kufumapo. Nanchi kukekalapo kimye kyo tukekalatu na bukalama bwaoloka myaka ne myaka nyi? [Lekai akumbule.] Monai Lesa byo alayijile jimo bantu pa mambo a mfumu ukebalama myaka ne myaka. [Tangai 2 Samwela 7:16] Uno magazini walumbulula byo twafwainwa kuba pa kuba’mba Lesa aketubile bibusa ne kwikala bangikazhi ba mu Bufumu bwanji.”

Awake! July

“Kukatazha kwa mali kwalengela bantu kupapala. Aba bo balekesha mingilo baji na bijikila, kabiji aba babena kwingila baakamwa’mba kwendapo mingilo yabo yapwa. Nanchi jino jifunde jakonsha kwitukwasha kuchinchika nyi? [Tangai Mateo 6:34. Apa bino muleke akumbule.] Ino magazini yaambapo mashinda amo mo twakonsha kwingijishisha bulongo mali etu ne kwikala balusekelo.”