Inge Mukeba Mabuku a Bukiji Bukiji Anembwa mu Mulaka Ungi.

Kimye kimo tusambakana bantu bakeba mabuku a mu mulaka ungi otwabula pa kipwilo kyetu. Nanchi mwayuka’mba mwakonsha kuya pa intaneti ne kupulinta mabuku mu milaka 400 nyi? Bino byobyo mwakonsha kuba:

• Yai pa Intaneti wa www.watchtower.org.

• Ku kilujo kyenu kuji mutanchi wa milaka yapusana pusana. Chintai pa kipikichala kya ntanda, po paji mutanchi wa milaka ijimo.

• Chintai pa mulaka ye mubena kukeba. Pakeya jipa jikemumwesha mabuku o mukeba kupulinta nabiji matalakiti, mabuloshuwa, nangwatu bibaba. Byo kiji kuba’mba jino jipa paji byambo byanembwa mu mulaka ye mwasala, kange mwakamwe inge mwabula kuyuka mitwe ne.

• Chintaipo pamo. Byambo byo mubena kukeba bikeya, apa bino mwapulinta kupichila mu kuchinta po banemba’mba pulinta.

Pa intaneti paji mabuku a kumwenakotu, mabuku avula mwakonsha kwianembesha ku kipwilo. Inge muntu wamwesha lusekelo, kyawama kumunembeshesha buku ku kipwilo.