Keyala Wetu wa Intaneti—Mwingijishainga ku Bantu Baamba Milaka yo Mwaluba

Bamweshai Biji pa Keyala Wetu: Babulai byo bakonsha kwingijisha “Mutanchi wa Milaka” uji pa intaneti. (Milaka imo pajitu bicheche.)

Bamweshai Jipa ja pa Intaneti ja mu Mulaka Wabo: Shinkulai jipa ja mu mabuku etu nabiji ja mu buku wa Baibolo Ufunjisha nangwa talakiti wa Kuyuka Bukine. Salai mulaka wamba yewo muntu panembwa’mba, “Tangai.”

Lekai Batelekeko ku byo Batangila Jimo: Kebaipo mutwe umo ye batangila jimo wa mu mulaka waamba yewo muntu ne kumushinkwila kuba’mba atelekeko. Inge mubena kufunda mulaka mukwabo, telekainga ku byo batangila jimo mu yeo mulaka kimye kyo mubena kutanga.—Chintai panembwa’mba “Mabuku/Mabuloshuwa” nangwa “Mabuku/Magazini.”

Basapwilai Bashinka Matwi: Inge mwatana muntu washinka matwi, mumweshai vidyo wa mu mulaka wa kwamba na maboko wa kitango kya mu Baibolo, mu buku, mu buloshuwa nangwa mu talakiti.—Chintai panembwa’mba “Mabuku/Mulaka wa Kwamba na Maboko.”

[Kipikichala pa peja 6]

(Umvwe mukeba bine byambo, monai mu buku)

Esekai Kwibingijisha

1 Chintai papo ▸ pa kuba’mba mutelekeko ku byo batangila jimo (inge mobiji mu mulaka wenu) nangwa panembwa’mba “Kopololai” pa kuba’mba mukopolole byo mubena kukeba.

2 Salai mulaka mukwabo pa panembwa’mba, “Tangai” pa kuba’mba pasomotoke mutanchi wa milaka.

3 Chintai panembwa’mba “Walondelapo” nangwa pa mutwe uji mu “Mutanchi wa Bijimo” pa kuba’mba mutange mutwe mukwabo nangwa kitango.