Bya Kwamba pa Kusha Magazini

Kyamba kya Usopa October–December

“Atweba bavula kitukatazha bingi kuyuka bya kwambila muntu wakolwa. Pano twakonsha kuyuka byepi bya kwambila wakolwa? [Lekai akumbule. Apa bino mutange Mateo 7:12.] Kino kibaba kyaamba pa mafunde a mu Baibolo a kwitukwasha kuyuka byo twafwainwa kuba ne byo twafwainwa kuchinuzhuka pa kukwasha wakolwa.” Mumweshai kibaba kyatendekela pa jipa 10.

Awake! December

“Bamo bamba’mba: ‘Inge kya kine Lesa koaji, pano mambo ka o abujila kwipaya Diabola?’ Nanchi mwakilangulukapo kala bino nyi? [Lekai akumbule.] Kibaba kiji pa mapa 10 ne 11 muji mukumbu wafuma mu Baibolo. Kyalumbulula ne bikekala ntanda kimye kyo bakazhiya Diabola.” Tangai Lumwekesho 21:3, 4.

Kyamba kya Usopa October–December

“Kimye kimo balongo ne balunda bakankalwa kuyuka bya kukwasha ne kutekenesha bantu bafwilwa. Nanchi kujipo kyakonsha kwibakwasha kukepeshako mukose nyi? [Lekai akumbule. Apa bino mutange Byambo bya Mana 17:17.] Kino kibaba kyaamba pa byo twafwainwa kulangulukapo saka tukyangye kukwasha uji na bulanda.”

Awake! January

Mumweshai pa nkupiko ne kumwipuzha’mba: “Musa kukumbula’mba ka buno bwipuzho? [Lekai akumbule.] Binembelo bitundaika bantu kwikala ba mutende. [Tangai Yakoba 3:17.] Pano mambo ka bupopweshi o bwabujila kulengela bantu kukwatankana? Nanchi bukalengela bantu kwikala mutende nyi? Mu uno magazini muji mikumbu ya ano mepuzho onse.”