Byo Twakonsha Kwiyowa Nyimbo ya Bufumu

Bapopweshi ba kwa Lesa bayuka kuba’mba kwimba ke kya bupe kyawama bingi kyafuma kwi Yehoba. (Yako. 1:17) Mu bipwilo byavula beyowa kuteleka ku Nyimbo ya Bufumu kupwila saka kukyangye kutendeka ne pa kupwisha kupwila. Kujizha nyimbo ya bufumu kwikizha michima ya baiya na kupwila. Kitulengela kwinengezha kupopwela Lesa. Kabiji kujizha nyimbo iji mu buku wetu wakatataka kwitulengela kwiiyuka ne kwimba bulongo. Nyimbo yo bajizha panyuma ya kupwila ituletela lusekelo ne kwiyowa misambo itundaikañana. Onkao mambo, mabumba a bakulumpe mu kipwilo afwainwa kufuukulapo bulongo kujizha nyimbo ya mu buku wa Mwimbilai Yehoba—ya bijimbatu (Piano Accompaniment) kupwila saka kukyangye kutendeka ne panyuma ya kupwila. Bafwainwa kumona kuba’mba nyimbo kechi ibena kujijisha kya kuba kwisamba ke kukatazhe ne.