Keyala Wetu wa pa Intaneti—Mwingijishainga pa Lufunjisho Lwenu lwa pa Bunke ne pa Lufunjisho lwa Kisemi

Tangai Magazini Akatataka pa Intaneti: Kyamba kya Usopa ne Awake! bebibika pa Intaneti milungu yavula saka tukyangye kutambula byapulintwa ku bipwilo byetu. Twakonsha ne kuteleka ku magazini o batangila jimo—Chintai panembwa’mba, “Mabuku/Magazini.”

Tangai Mabuku Atanwatu pa Keyala Wetu wa Intaneti: Bibaba bimo nabiji bya kuba’mba “Kibaba kya Bakyanyike,” “Mafunjisho ami a mu Baibolo,” “Kupitulukamo na Baana,” ne “Bakyanyike Bepuzha’mba,” bikatanwangatu pa Intaneti. Yai pa intaneti ne kwisamba ino mitwe imo pa lufunjisho lwenu lwa pa bunke ne pa lufunjisho lwa kisemi.—Chintai panembwa’mba “Mafunjisho a mu Baibolo/Baana” nangwa “Mafunjisho a mu Baibolo/Bakyanyike.”

Monai Masawakya Akatataka Ajipo: Tangai masawakya atundaikañana ne byamwekele ne kutamba mavidyo abena kumwesha ngyalutwe ya mwingilo wetu mwaya ntanda. Masawakya acheche aamba pa bya malwa ne kumanyikwa, ano masawakya aketukwasha kulombelako balongo betu mu kushinkamika. (Yako. 5:16)—Chintai panembwa’mba “Masawakya.”

Pesapesainga Kwingijisha Mabuku a pa Intaneti: Inge muji na mabuku apa Intaneti mu mulaka wenu, ingijishai kompyuta nangwa foni kutanga kinembelo kya juba pa intaneti nangwa kupesapesa mu mabuku etu a katataka.—Chintai panembwa’mba, “Mabuku/Mabuku a pa Intaneti,” nangwa nembai www.wol.jw.org mu kakitenguluzha mwa kunemba keyala pa kompyuta wenu.

[Kipikichala pa peja 4]

Esekai Kumwingijisha

1 Chintai pa kipikichala nangwa pa kakitenguluzha panembwa’mba “Kopololai.” Kipikichala kiya mu PDF. Kipulintai ne kupa baana benu kuba’mba bakumbule ne kufunjilako.

2 Chintai panembwa’mba “Jizhai” pa kuba’mba mutambe vidyo.