Nanchi Mwakonsha Kwingila Nabo Nyi?

Mu bipwilo byavula muji basapwishi bavula babula kwingila pakatampe mu mwingilo na mambo a kubelabela ne kukoma. (2 Ko. 4:16) Nanchi mwakonsha kwambilapo umo uji na luno lukatazho pa kuba’mba mukengijile nanji pamo ku lufunjisho lwa Baibolo nyi? Umvwe kya kuba’mba musapwishi kechi wakonsha kwenda ne, kampe mwakonsha kusenda ye mufunjisha Baibolo kuya na kufunjila pa nzubo yanji. Nanchi mwakonsha kusenda musapwishi ukolwakolwa kuba’mba musapwile nanji pa mazubo aji pepi nangwa kubwela ku muntu umo nangwa babiji bamwesheshe lusekelo nyi? Basapwishi bavula bakikulumpe bayuka byavula mu mwingilo mambo baingila pa myaka yavula. Onkao mambo, umvwe muba bino kechi mukebatundaikatu ne, bino ne anweba mukamwenamo. (Loma 1:12) Kunungapo, umvwe mwamwesha butemwe mu jino jishinda Yehoba ukemupesha.—Mana 19:17; 1 Yoa. 3:17, 18.