Kuwamishako Busendwe Bwetu Bwa Kusapwila—Kwala Kitendekesho kya Mwisambo pa Kukabwelako

ENE MAMBO O KWANEMENA:

Tukeba kutekezha nkunwa ya bukine yo tubyala. (1Ko 3:6) Inge twatana ukeba kufunda, kyawama kumwipuzha bwipuzho bwa kwiya na kwisambapo inge twabwelako. Kino kikamuletela kizaku kabiji ne atweba kiketulengela kunengezha bya kuya na kwamba pa kubwelako. Inge twabwelako, twakonsha kumubuula kuba’mba twaiya na kukumbula bwipuzho bo twashiile.

BYA KUBA:

• Inge mubena kunengezha bya kwamba pa kuya na kusapwila ku nzubo ku nzubo, mwafwainwa ne kunengezha bwipuzho bwa kuya na kukumbula byo mukabwelako. Kampe mwakonsha kwingijisha bwipuzho buji mu buku ye mukeba kwibashila. Nangwa kampe bwipuzho bwakumbulwa mu buku wa kufundamo ye mubena kukeba kwibashila pa kukabwelako.

• Pa kupwisha kwisamba na muntu ukeba kufunda, mubuulai kuba’mba mukakeba kwisamba nanji jikwabo apa bino mumwipuzhe bwipuzho bo mwanengezha. Nembai keyala ne nambala ya foni wanji inge kyakonsheka.

• Inge mwamulaya kimye kyo mukabwelako, monai kuba’mba mwafikizha kimye kyo mwaumvwañene.—Mat 5:37.