Kuwamishako Busendwe Bwetu bwa Kusapwila—Kubwela ku Bantu bo Twasapwijile

ENE MAMBO O KWANEMENA: Bantu bavula batako muchima ku byambo bya Bufumu bakeba kuyuka bukine pe Lesa. (Is 55:6) Pa kuba’mba twibafunjishe banunguluke, twafwainwa kubwelako javula. Bwikalo bwa bantu bwapusana pusana. Onkao mambo ne mashinda a kwibalengela kutako muchima nao afwainwa kupusana pusana. Kimye kyonse pa kubwelako, twafwainwa kunengezha bulongo ne kuba bintu biketulengela kutendeka kwibafunjisha Baibolo.

Bya Kuba:

• Bwelaiko bukiji, mu mobatu acheche.—Mat 13:19

• Bakasulukilai ne kwibapa mushingi. Batekenyai.

• Tendekelaipo kwibemuna na lusekelo. Tongolai jizhina jabo. Babulai ene mambo o mwaishila—nabiji kukumbula bwipuzho, kwibaletela magazini akatataka, kwibamwesha biji pa keyala wetu wa intaneti, kwibatambisha vidyo, nangwa kwibamwesha byo tufunjisha Baibolo. Alulai mwisambo kwesakana na bintu byamweka’mba byobyo banemeka bingi.—Fp 2:4

• Tekezhai lukunwa wa bukine wa byalwa mu muchima wa uno muntu kupichila mu kwisamba nanji biji pa Kinembelo nangwa kumushila buku, magazini nangwa talakiti. (1Ko 3:6) Mulengelai awo muntu kwimukasulukila

• Alai kitendekesho pa kukatendekela mwisambo byo mukabwelako