Bya Kufunjisha Muntu Kwingijisha Buloshuwa wa Mambo Awama

Tangai bwipuzho buji mu byambo bifiita pa kuba’mba mukwashe mwina nzubo kumona kishinka

Tangai jifuka jalondelapo.

Tangai binembelo byasendalala ne kwingijisha mepuzho bulongo pa kuba’mba mukwashe mwina nzubo kumona binembelo byo byakumbula bwipuzho.

Inge paji jifuka jikwabo panshi ya bwipuzho, bwezhaipo mashinda 2 ne 3. Inge paji vidyo pa keyala wa jw.org wipasha na bwipuzho buji mu buloshuwa, mutambishai kimye kyo mubena kwisamba.

Pa kuba’mba mwina nzubo omvwe kishinka, mwipuzhai akumbule bwipuzho buji mu byambo bifiita.