Kibaba kya Katataka kya Kutendekelamo Misambo

Kutendekatu mu January 2016, pa nkupiko ya kunyuma ya Kyamba kya Usopa kya bena kengi paji kibaba kya kuba’mba, “Nanchi Baibolo Waambapo’mba Ka?” Kino kibaaba kyakatataka bekinengezhezha kwitukwasha kutendeka misambo pa mitwe ya mu Baibolo. Kino kibaba bekinembatu nobe matalakiti. Paji bwipuzho ne mukumbu wafuma mu Baibolo, apa bino ne bishinka bikwabo bya kwisambapo.

Kwisamba pa mitwe yafuma mu Binembelo kwakonsha kwitukwasha kutendeka kufunjisha bantu Baibolo. Ingijishainga kino kibaba kyakatataka pa kuba’mba mukwashe bantu baji na nzala ya kukeba kuyuka Lesa.—Mat 5:6.

BYO TWAKONSHA KWINGIJISHA KINO KIBABA:

1. Ipuzhai mwina nzubo kwamba byo abena kulangulukapo pa mepuzho

2. Mutelekai kimye kyo abena kwamba ne kumwesha amba mwaumvwa byo akumbula

3. Tangai kinembelo kiji pa mutwe wa kuba’mba “Byamba Baibolo,” ne kumwipuzha kwambapo mo aumvwina kyokyo kyepelo. Inge uji na kimye, twajijilai kwisamba pa kishinka kiji pa kamutwe ka kuba’mba, “Bintu Bikwabo byo Tufunjilako mu Baibolo”

4. Mupai magazini

5. Nengezhai kubwelako kuba’mba mukesambe bwipuzho bwa bubiji