Mukwekele Wiikajila wa Kusha Kyamba kya Usopa mu September

Bantu mwaya ntanda yonse babena kukeba lutekenesho. (Mus 4:1) Mu ñondo yense wa September, tukekala na mukwekele wiikajila wa kusha Kyamba kya Usopa kikambanga pa lutekenesho. Mukengile na mukoyo kusha uno magazini. Na mambo a kuba’mba tukeba bingi kwisamba na bantu pa kuba’mba twibatekeneshe, kechi twafwainwa kusha magazini pa mazubo pabula bantu ne.

BYA KWAMBA PA KUSHA

“Atweba bonse tukeba lutekenesho bimye bimo. Pano twakonsha kwilutaana kwepi? [Tangai 2 Kolinda 1:3, 4.] Kino Kyamba kya Usopa kibena kwamba pa bitutekenesha Lesa.”

Inge muntu ubena kukeba kufunda kabiji watambula magazini, . . .

MUTAMBISHAI VIDYO WA KUBA’MBA MAMBO KA A KUFUNJILA BAIBOLO?

Mwipuzhai inge ubena kukeba kufunda Baibolo.

ALAI KITENDEKESHO KYA BYO MUKESAMBAPO PA KUKABWELAKO

Mushikishai bwipuzho bo mukakumbula pa kukabwelako nabiji bwa kuba’mba “Mambo ka Lesa o aswishisha buyanji?”