Ingijishainga Bulongo Mabuku Alumbulula Baibolo

Yesu wafunjishe’mba: “Mwatambwiletu kyatu, ne anweba panaitu kyatu.” (Mat 10:8) Tulondela byakambizhe Yesu mambo kechi tupotesha Mabaibolo nangwa mabuku o tupana mu mwingilo ne. (2Ko 2:17) Nangwa byonkabyo, mu ano mabuku muji bukine bwafuma mu Mambo a Lesa. Pataiwa mali avula bingi pa kwianemba ne kwiatwala mu bipwilo mwaya ntanda yonse. Onkao mambo, twafwainwa kutolapotu o tusa kwingijisha kwapwa.

Yukai bo mwafwainwa kupa mabuku, nangwatu inge mubena kusapwila pa mvula bantu. (Mat 7:6) Kechi mwafwainwa kupanangatu ku yense ubena kupita ne, monai kuba’mba mwisamba nabo pa kuba’mba muyuke inge baji na lusekelo nangwa ne. Nanchi mwakonsha kukumbula amba ee ku mepuzho aji mu kakitenguluzha kaji pa jino jipa nyi? Inge mwamona’mba kechi wamwesha lusekelo ne, mwakonsha kumupa talakiti. Bino inge wakeba magazini nangwa buku mukwabo, mwakonsha kumupa.—Man 3:27, 28.