BYAFWAINWA KWIKALA BENA KILISHITU
Ñanyi Kimye kyo Nakonsha Kwingilako Bupainiya bwa Kukwasha?
Kimwesho kya nzubo ya Lesa kyamwene Ezikyo kyamwesha’mba bantu ba Yehoba bapana milambo kufuma panshi ya muchima. Nga atweba pa muntu pa muntu twakonsha kwingilako byepi uno mwingilo wa kutota Lesa?—Heb 13:15, 16.
Jishinda jimo jawama jo twafwainwa kubilamo bino ke kwingilako bupainiya bwa kukwasha. Mu mwaka wa mwingilo wa 2018 muji bañondo bavula baji na milungu itanu. Akino kikakwasha bingi kikatakata aba bengila nkito bayatu mu mwingilo pa Kibelushi ne pa Mulungu kwapwa. Onkao mambo, basapwishi bakonsha kusalapo kwingilako maola 30 nangwa 50 mu bañondo ba March ne April ne kimye kya kufwakasha kwa kalama wa mwanzo.
Twafwainwa kuba byepi inge kechi twakonsha kwingilako bupainiya bwa kukwasha ne? Twafwainwa kwibikako kwingilangako pakatampe mu mwingilo. Inge twakonsha kwingilako nangwa ne, butemwe bo twatemwa Yehoba bwitulengele kukengilako papelela bulume bwetu mu mwaka wa mwingilo wa 2018!—Hos 14:2.
Nakonsha kuba byepi pa kuba’mba ngikale na kizaku kijipo ne Sabina Hernández?
TAMBAI VIDYO WA KUBA’MBA KAFWAKO KINTU KYO NAKONSHA KUBA KWA KUBULA BUKWASHO BWA YEHOBA, APA BINO MUKUMBULE ANO MEPUZHO:
Ñanyi bintu byatundaikile Sabina kwingilako pakatampe mu mwingilo wa Yehoba?
Bintu byaubile Sabina bimutundaika kuba ka?
Mu mwaka wa mwingilo wa 2018, bañondo ka bo mukeba kukengilako bupainiya bwa kukwasha?