Kishimpi kya Wichi ne Nseku

Yesu waingijishe kishimpi kya wichi ne nseku pa kulumbulula byo akasala ne kukonkanya pamo bena Kilishitu bonse bashingwa baji nobe wichi kutendeka mu mwaka wa 33 C.E.

13:24

‘Muntu wakushile nkunwa yawama mu bujimi bwanji’

• Njimi: Yesu Kilishitu

• Nkunwa yawama yo bakushile: Baana ba bwanga ba kwa Yesu bashingwa na mupashi wazhila

• Bujimi: Bantu bonse pano pa ntanda

13:25

“Bantu byo balaajile, mulwanyi wanji waishile ne kukusamo nseku”

• Mulwanyi: Diabola

• Bantu balaajile: Batumwa bafwile

13:30

“Bilekai bikomene pamo kufika kimye kya kunowa”

• Wichi: Bena Kilishitu bashingwa

• Nseku: Bantu bebepekezha kwikala bena Kilishitu

“Patanshi ifumyaimo nseku . . . ; apa bino mubungizhe wichi”

• Bakalume/ba kunowa: Bamalaika

• Kufumyamo nseku: Kwabanya bantu bebepekezha kwikala bena Kilishitu na bena Kilishitu bashingwa

• Kulonga mu butala: Bena Kilishitu bashingwa bebapwizha pamo mu kipwilo kya kine

Kimye kya kunowa byo kyatendekele, ñanyi bintu byapusenyeko bena Kilishitu ba kine ku bena Kilishitu ba bubela?

Ñanyi bintu byawama byo nafunjilako byo naumvwisha mwatala kino kishimpi?