Kwingijisha Bantu Bacheche pa Kujiisha Bavula

Kijiilo kya Lupitailo kya mu 32 C.E. saka kikyangye kufika, Yesu waubile kya kukumya, kabiji kyo kya kukumya kyonkatu kyo banembele ku banembi bonse bana ba Mambo Awama.

Byonkatu byo aubile pa kino kya kukumya, Yesu watwajijila kuba bino ne mu moba etu.

14:16-21

• Yesu wakambizhe baana banji ba bwanga kujiisha mabumba a bantu nangwa kya kuba bajingatu na bashinkwa batanu ne tumasabi tubiji

• Yesu washikwile bashinkwa ne masabi, byo apwishishe kulomba, wapeele baana banji ba bwanga, kabiji baana banji ba bwanga nabo bapeele mabumba a bantu

• Mu jishinda ja kukumya, kajo kavujile bingi kya kuba bantu bonsetu bajiile. Yesu wajiishishe bantu bavula kwingijishatu bantu bacheche, ko kuba’mba baana banji ba bwanga

  

• Yesu waambijile jimo amba mu moba a kupelako, ukasala bantu ba kupana “kajo pa kimye kyafwainwa.”—Mat 24:45.

• Mu mwaka wa 1919, Yesu wasajile “kalume wa kishinka kabiji wa maana,” ko kuba’mba jibumba jicheche ja balongo bashingwa kuba’mba bapanenga kajo ka ku mupashi ku “ba mu nzubo yanji”

• Byo abena kwingijisha jino jibumba jicheche ja balongo bashingwa, Yesu watwajijila kuba byonkatu byo aubile mu kitota kya myaka kitanshi

Pano nakonsha kumwesha byepi kuba’mba nanemeka jibumba Yesu jo abena kwingijisha kufunjishisha bantu pe Lesa?