Nakebeshe Bingi Kupimpula Byubilo Byami

MU 1985 saka nji na myaka 18, bantangi ba mu kafulumende wa Soviet bantwezhezhe bushilikale. Kyankolanga bingi ku muchima pa kumona bashilikale byo baubanga nshiji ne kumanyika bakwabo kya kuba naambile mu muchima wami namba: ‘Kechi mbena kukeba kwikala byonka byo baji ne. Nafwainwa kupusanako.’ Bino namwene kuba’mba kechi nakonsheshe kuba bintu byo nakebelenga kuba ne. Onkao mambo, nakebeshe bingi kupimpula byubilo byami.

Byo napwishishe kwingila mwingilo wami wa bushilikale, nabwelele ku nzubo. Juba jimo bufuku byo nafumine ku kijiilo, nalombele kwi Lesa kuba’mba ankwashe kupimpula byubilo byami. Juba jalondejilepo pa kuya ku nkito, napichile pa nzubo ya batatankazhi bajinga Bakamonyi ba kwa Yehoba. Byo natwelele mu nzubo nataaine kajibumba ka Bakamonyi bapwijilenga. Bantambwijile bingi bulongo, onkao mambo, nafuukwilepo kwikala ne kupwila nabo.

Naswile kutendeka kufunda Baibolo, kabiji byo papichile bañondo batanu na umo, nabatizhiwe. Yehoba wankwashishe kwikala na byubilo byawama. Kechi nakonsheshe kupimpula byubilo byami kwa kubula bukwasho bwanji ne.