Nanchi Mwakonsha Kulumbulula byo Mwaitabilamo Nyi?

Inge muntu wimwipuzha pa ene mambo o mwaitabila kuba’mba Lesa ye walengele bintu byonse, mwakonsha kukumbula’mba ka? Pa kuba’mba mukumbule bulongo, mwafwainwa kuba bintu bibiji: Patanshi, mwafwainwa kushiinwa anweba bene amba Lesa ye walengele bintu byonse. (Lo 12:1, 2) Kya bubiji, mwafwainwa kulangulukilapo jimo pa byo mwakonsha kulumbulwila muntu byo mwaitabilamo.—Man 15:28.

TAMBAI VIDYO WA KUBA’MBA SHAYUKA WA MWANUNGAKENA BIKUPA WAAMBA PA LWITABILO LWANJI NE WA KUBA’MBA SHAYUKA WAFUNDA PA BANYAMA WAAMBA PA LWITABILO LWANJI, MUMONE ENE MAMBO BANTU BAMO O BASWILA KUBA’MBA LESA YE WALENGELE BINTU BYONSE, APA BINO MUKUMBULE MEPUZHO ALONDELAPO:

• 

  Mambo ka ba Irène Hof Laurenceau o baitabila kuba’mba Lesa ye walengele bintu byonse, kechi amba bintu bilengeletu bine ne?

• 

  Mambo ka ba Yaroslav Dovhanych o baitabila kuba’mba Lesa ye walengele bintu byonse, kechi amba bintu bilengeletu bine ne?

• Mwakonsha kulumbulwila byepi muntu ene mambo o mwaitabila kuba’mba Lesa ye walengele bintu byonse?

• Ñanyi bintu byanengezha jibumba ja Yehoba biji mu mulaka wenu bimukwasha kushiinwa ne kulumbulwila bantu amba Lesa ye walengele bintu byonse?