ICHIMANYILO 4
Po Muchili Pakubelenga Isimbo
Matayi 22.41-45
IFUNDO INKULU: Po muchili pakubelenga isimbo, mubavwe abantu ukuti babe ni chinyonywa ichakulonda ukwivwa ifundo yo inti mubelenge.
MO MUNGABOMBELA:
Mwinong’onele ichifukwa cho mukubelengela isimbo. Po muchili pakubelenga isimbo, munene amazyu gho ghangabavwa abantu ukuti bamanye ifundo inkulu yo mukulonda ukulangizya mu vesi lyo inti mubelenge.
Munenaghe ivyakufuma mu Bayibolo. Nanti mukunena na bantu bo bakusubila u Chala, mubavwe ukumanya ukuti Ibayibolo Mazyu gha Chala, nu kulangizya ukuti momo mukwaghiwa amahala aghapamwanya.
Mubavwe abantu ukuti babe ni chinyonywa ni simbo lyo mukulonda ukubelenga. Mulalusye ilalusyo lyo isimbo lyo inti mubelenge lyamule, mutambule intamyo yo isimbo lingabavwa ukuti babe nu lusubilo pamo munganena ifundo yo isimbo lyo mukulonda ukubelenga lingabavwa ukuti bivwisye.