Ukwiyipa

Vyo u Yesu Akabomba

IVIDIYO: U Yesu Akumumanyisya u Nikodemu

1. Enelezya IVIDIYO, pamo belenga Yohani 3.1, 2. Pabumalilo mwamule amalalusyo agha:

1. Nkimba mukwinong’ona ukuti chifukwa buli cho u Nikodemo akabuka kwa Yesu pa busiku?—Ennya Yohani 12.42, 43

2. U Yesu akitikizya ukukomana nu Nikodemu pa busiku, nkimba ivi vikulangizya buli-buli ukuti u Yesu akaba wakwiyipa pa mbombo iyakumanyisya abantu?

Nkimba Tukumanyilako Ichoni kwa Yesu?

2. Ichifukwa chakuti tubaghanite abantu tukwiyipa pakubamanyisya ukuti babe bamanyili.

Mumweghelele u Yesu

3. Mumanyilaghe nu mumanyili winyu pa kabalilo na malo gho akulonda. Angasala isiku na kabalilo ko akulonda. Nkimba akwiza pakuba wakusatuka ukuti tumanyilaghe nawe kumalo agha mbombo, panyumba yache, pamo pamalo ghali ghosi? Nanti mungakwanisya, musintaghe akabalilo ukuti mumanyilaghe nawe pa kabalilo ko akulonda.

4. Mumanyilaghe nawe akabalilo kosi. Pala inti mufumepo mungabombezya amasakizyo agha:

1. Mungamanyila nawe isiku ilinji mwasabata uyu.

2. Mungamanyila nawe pa foni pamo pa vidiyo komfelensi.

3. Mungamulaba umukamu pamo umuyemba yumo ukuti amumanyisyeko.

5. Mumulabe u Yehova ukuti mumwennyanje akiza umumanyili winyu. Mumulabe u Yehova ukuti abavwe ukuti mubukilile ukuba mwe bakwiyipa pakumumanyisya umumanyili winyu napo vingamutamya ukuti amanyilaghe akabalilo kosi nu kukonka ubulongozi bwa mu Masimbo. (Filipi 2.13) Umumanyili winyu angaba ni nkalo inyiza izyinji. Mumulabe u Yehova ukuti abavwe ukuti muzyennyanje inkalo izi.