Bukota bwa Kalaga u kiizi?

LOLA BUNI BWATENDA BIBLIA

“Kalaga ka mwigulu ekabeka bukota butakazikibwa.”​—Danieli 2:44, Idagi lya Kalaga.

“Twakasilwe mwana wa mulume, nu bukota bwabe ku kituli kyage.”​—Isaya 9:6.

WABE NA BUSOGA BUKI NDI WAMENYA LIGISYA LILYO LYA BIBLIA?

• Kuli bukota busoga bwatunganana kukukasa ugwenyene mutale.​—Isaya 48:17, 18.

• Nu mu kisi kito kikavwa, ukaba na kalamo kasoga nu mbogimbogi ningi, kalamo kete na nsambo.​—Kulolesibwa 21:3, 4.

TUNEEMA LEBELEBE KUKATIZIA BUNO BIBLIA ZILI MASANZO MA KALAGA?

Lebelebe, kuli tangi bukokomezio bubili:

• Yesu alosizie buni bukakita Bukota bwa Kalaga. Yesu igisizie beigisibwa bage basege Bukota bwa Kalaga buvue nu bwelama bwage bukitwe gano ga kisi. (Matayo 6:9, 10) Yesu alosizie tondo buni bukaakula Kalaga mamo masego.

  Gabezaga mu kisi, Yesu alisizie bakwaga na nzala, onizie basambi, nu ajukizie bakuzi! (Matayo 15:29-38; Yoana 11:38-44) Anga Mukota wa Bukota bwa Kalaga bukavwa, alosizie busoga bukakitwa na bubo Bukota ku bekalama.​—Kulolesibwa 11:15.

• Bitondo bitukumona mu kino kisi byalosia buno Bukota bwa Kalaga buse bwigi na kuvwa. Yesu alosizie nkungu nkeke lwa busio lwa kubasa kwa Bukota bwa bubobelelo mu kisi, buno bilongo binsania byabe mu mbabazio: bita, nzala, nu tuningini twa kisi.​—Matayo 24:3, 7.