Zabbuli
Eri akubiriza eby’okuyimba; ya ku “Malanga.” Zabbuli ya Dawudi.
69 Ndokola, Ai Katonda, kubanga amazzi gaagala kusaanyaawo obulamu bwange.+
2 Ntubidde mu bitosi ebingi awatali ttaka ggumu.+
Ndi mu mazzi amawanvu,
Amazzi g’omugga agakulugguka gantutte.+
3 Okukoowoola kunkooyezza;+
Obulago bunsaakadde.
Amaaso gange gakooye okutunula nga nnindirira Katonda wange.+
Abaagala okunzita,
Abalabe bange abakuusa, beeyongedde obungi.
Nnawalirizibwa okuwaayo bye sabba.
5 Ai Katonda, omanyi obusirusiru bwange,
Era okwonoona kwange tekukukisiddwa.
6 Ai Mukama Afuga Byonna, Yakuwa ow’eggye,
Abo abateeka essuubi lyabwe mu ggwe ka nneme kubaviirako kuswala.
Ai Katonda wa Isirayiri,
Abo abakunoonya ka nneme kubaviirako kufeebezebwa.
8 Nfuuse munnaggwanga eri baganda bange,
Nfuuse mugwira eri abaana ba mmange.+
10 Bwe nneetoowaza ne nsiiba,*
Ekyo kyanvumya.
11 Bwe nnayambala ebibukutu,
Nnafuuka ekinyoomebwa* gye bali.
12 Abatuula ku mulyango gw’ekibuga boogera ku nze,
N’abatamiivu bannyimbako mu nnyimba zaabwe.
13 Naye essaala yange k’etuuke gy’oli,
Ai Yakuwa, mu kiseera eky’okugikkiririzaamu.+
Ai Katonda, mu kwagala kwo okungi okutajjulukuka
Nnyanukula ng’onkolera ebikolwa byo eby’obulokozi ebyesigika.+
14 Nzigya mu bitosi;
Tondeka kutubira.
Ntaasa abo abatanjagala,
Era nzigya mu mazzi amawanvu.+
15 Amazzi aganjadde agakulugguka togakkiriza kuntwala,+
Tokkiriza buziba kummira,
16 Nnyanukula, Ai Yakuwa, kubanga okwagala kwo okutajjulukuka kulungi.+
Yanguwa okunnyanukula, kubanga ndi mu nnaku.+
18 Sembera we ndi onnyambe;
Nnunula mu balabe bange.
19 Omanyi engeri gye nvumibwa, gye mpeebuulwa, ne gye nfeebezebwa.+
Abalabe bange bonna obalaba.
20 Okuvumibwa kumenye omutima gwange, era ekiwundu tekisobola kuwona.
Mbadde ndowooza nti wanaabaawo ansaasira, naye tewali n’omu,+
Era nti wanaabaawo abambudaabuda, naye sifunyeeyo n’omu.+
22 Emmeeza yaabwe k’ebafuukire omutego,
N’obugagga bwabwe ka bubafuukire ekyambika.+
23 Amaaso gaabwe ka gajjeko ekifu baleme kulaba,
Era kankanyanga bbunwe waabwe.
25 We babeera ka wafuuke matongo;
Weema zaabwe ka zireme kubaamu bantu.+
26 Kubanga bayigganya oyo gwe wakuba,
Era boogera ku bulumi bw’abo be watuusaako ebisago.
27 Ku musango gwabwe yongerako emisango emirala,
Era ka baleme kubeera na mugabo gwonna mu butuukirivu bwo.
29 Naye nze ndi mu nnaku era ndi mu bulumi.+
Amaanyi go agalokola ka gankuume, Ai Katonda.
30 Nja kuyimba ennyimba ezitendereza erinnya lya Katonda,
Nja kumugulumiza nga mmwebaza.
31 Ekyo kijja kusanyusa Yakuwa okusinga ssaddaaka z’ente ennume,
Okusinga ssaddaaka z’ente ento ennume ezirina amayembe n’ebinuulo.+
32 Abawombeefu bajja kukiraba basanyuke.
Mmwe abanoonya Katonda, emitima gyammwe ka giddemu amaanyi.
34 Eggulu n’ensi ka bimutendereze,+
N’ennyanja ne byonna ebizitambuliramu.
35 Kubanga Katonda ajja kulokola Sayuuni+
Era ajja kuddamu azimbe ebibuga by’omu Yuda;
Bajja kubeera eyo, ensi ebeere yaabwe.