Zabbuli

Eri akubiriza eby’okuyimba. Zabbuli ya Dawudi.

20 Yakuwa akuddemu ku lunaku olw’obuyinike.

Erinnya lya Katonda wa Yakobo ka likukuume.+

2 Akuweereze obuyambi okuva mu kifo ekitukuvu,+

Era akubeere okuva mu Sayuuni.+

3 Ajjukire ebiweebwayo byo byonna;

Akkirize ekiweebwayo kyo ekyokebwa.* (Seera)

4 Akuwe omutima gwo bye gwagala,+

Era awe enteekateeka zo zonna omukisa.

5 Tujja kwogerera waggulu n’essanyu olw’ebikolwa byo eby’obulokozi;+

Tujja kuwanika bbendera zaffe mu linnya lya Katonda waffe.+

Yakuwa k’atuukirize byonna by’osaba.

6 Kaakano nkimanyi nti Yakuwa alokola gwe yafukako amafuta.+

Addamu okusaba kwe ng’ayima mu ggulu lye ettukuvu

N’amulokola* mu ngeri ey’ekitalo n’omukono gwe ogwa ddyo.+

7 Abamu beesiga magaali, abalala mbalaasi,+

Naye ffe tukoowoola linnya lya Yakuwa Katonda waffe.+

8 Beesittadde ne bagwa;

Naye ffe tusituse ne tuddawo.+

9 Ai Yakuwa, lokola kabaka!+

Ajja kutuddamu ku lunaku lwe tunaamukoowoola atuyambe.+