Zabbuli
Eri akubiriza eby’okuyimba; mu ngeri ya Makalasi.* Masukiri.* Zabbuli ya Dawudi.
53 Omusirusiru agamba mu mutima gwe nti:
“Yakuwa taliiyo.”+
Ebitali bya butuukirivu bye bakola bibi nnyo era bya muzizo.
Tewali n’omu akola birungi.+
2 Naye Katonda ayima mu ggulu n’atunuulira abaana b’abantu,+
Okulaba obanga waliwo ategeera, okulaba obanga waliwo anoonya Yakuwa.+
3 Bonna bawabye,
Bonna boonoonefu;
Tewali akola birungi.
Tewali n’omu bw’ati.+
4 Tewali n’omu ku boonoonyi ategeera?
Balya abantu bange ng’abalya emmere.
Tebakoowoola Yakuwa.+
5 Naye balifuna entiisa ey’amaanyi,
Entiisa gye batafunangako,*
Kubanga Katonda alisaasaanya amagumba g’abo abakulumba.
Olibaleetera okuswala, kubanga Yakuwa abeesambye.
6 Singa nno Isirayiri afuna obulokozi okuva mu Sayuuni!+
Yakuwa ng’akomezzaawo abantu be abaawambibwa,
Yakobo k’asanyuke, Isirayiri k’ajaguze.