Zabbuli
Eri akubiriza eby’okuyimba. Zabbuli ya Dawudi. Oluyimba.
68 Katonda k’asituke, abalabe be basaasaane,
Abo abatamwagala badduke okuva mu maaso ge.+
2 Ng’omukka bwe gufuumuulibwa embuyaga, naawe bw’otyo bw’oba obafuumuula;
Ng’envumbo bw’esaanuuka ng’eri kumpi n’omuliro,
N’ababi bwe batyo bwe baba basaanawo mu maaso ga Katonda.+
4 Muyimbire Katonda; muyimbe ennyimba ezitendereza erinnya lye.+
Muyimbire Oyo ayita mu ddungu.*
Ya* lye linnya lye!+ Mujagulize mu maaso ge!
5 Kitaawe w’abatalina bakitaabwe era omukuumi* wa bannamwandu+
Ye Katonda ali mu kifo kye ekitukuvu.+
Naye abawaganyavu* bajja kubeera mu nsi enkalu.+
7 Ai Katonda, bwe wakulembera abantu bo,+
Bwe wayita mu ddungu, (Seera)
8 Ensi yakankana;+
Eggulu lyatonnyesa enkuba mu maaso ga Katonda;
Olusozi Sinaayi lwakankana mu maaso ga Katonda, Katonda wa Isirayiri.+
9 Ai Katonda, watonnyesa enkuba nnyingi;
Abantu bo* abaali bakooye wabazzaamu amaanyi.
10 Baabeeranga mu weema zo;+
Ai Katonda, olw’obulungi bwo wawa abaavu bye beetaaga.
12 Bakabaka n’amagye gaabwe badduka!+
Omukazi asigala eka agabana ku munyago.+
13 Wadde nga mwagalamiranga okumpi n’ebyoto,*
Mujja kuba n’ebiwaawaatiro by’ejjiba ebibikkiddwako ffeeza,
Ng’ebyoya byabyo bya zzaabu omulungi.
15 Olusozi lw’e Basani+ lusozi lwa Katonda;
Ensozi ez’omu kitundu ky’e Basani mpanvu.
16 Mmwe ensozi empanvu, lwaki mutunuza nsaalwa,
Yakuwa ajja kubeera okwo emirembe n’emirembe.+
17 Amagaali ga Katonda ag’olutalo gali mitwalo na mitwalo.+
Yakuwa avudde ku Lusozi Sinaayi n’ajja mu kifo ekitukuvu.+
Watwala abawambe;
Watwala ebirabo, ng’ebirabo ebyo bantu,+
Nga muno mwe mwali n’abawaganyavu,+ obeere mu bo, Ai Ya Katonda.
19 Yakuwa asitula emigugu gyaffe+ buli lunaku atenderezebwe,
Katonda ow’amazima ow’obulokozi bwaffe. (Seera)
22 Yakuwa agambye nti: “Nja kubakomyawo okuva e Basani;+
Nja kubaggya mu buziba bw’ennyanja,
23 Ekigere kyo kiryoke kisaabaane omusaayi,+
N’olulimi lw’embwa zo lukombe omusaayi gw’abalabe.”
24 Balaba abantu bo nga bayisa ebivvulu, Ai Katonda,
Abantu ba Katonda wange, Kabaka wange, abayisa ebivvulu nga bagenda mu kifo ekitukuvu.+
25 Abayimbi bakulembeddemu, abakuba ebivuga eby’enkoba babavaako emabega;+
Wakati waliwo abawala abakuba obugoma obutono.+
26 Mutendereze Katonda nga muli mu nkuŋŋaana ennene;
Mutendereze Yakuwa mmwe abava mu Nsibuko ya Isirayiri.+
27 Benyamini+ asembayo obuto awangulira* eyo abantu,
Abaami ba Yuda n’ekibinja kyabwe eky’abantu aboogerera waggulu,
Abaami ba Zebbulooni, n’abaami ba Nafutaali.
28 Katonda wo alagidde nti ojja kuba wa maanyi.
Laga amaanyi go, Ai Katonda, nga bw’otukoledde.+
30 Koma ku nsolo ez’omu nsiko ezibeera mu lusaalu,
Eggana ly’ente ennume+ n’ennyana zaazo,
Okutuusa amawanga lwe ganaavunnama nga galeeta* ffeeza.
Saasaanya amawanga agaagala entalo.
31 Ebintu eby’ekikomo bijja kuleetebwa okuva* e Misiri;+
Kkuusi ajja kwanguwa okuwaayo ebirabo eri Katonda.
32 Mmwe obwakabaka bw’ensi muyimbire Katonda,+
Muyimbire Yakuwa ennyimba ezimutendereza, (Seera)
33 Muyimbire oyo eyeebagala eggulu ery’edda ennyo erisingayo okuba waggulu.+
Laba! Awuluguma n’eddoboozi lye, eddoboozi lye ery’amaanyi.
34 Mutegeere amaanyi ga Katonda.+
Ekitiibwa kye kiri ku Isirayiri,
N’amaanyi ge gali mu bire.
35 Katonda awuniikiriza ng’ava mu kifo kye* ekitukuvu eky’ekitiibwa.+
Ye Katonda wa Isirayiri,
Awa abantu amaanyi n’obuyinza.+
Katonda atenderezebwe.