Biki Bye Tuyiga mu Bayibuli?

Olowooza ekiseera kirituuka ne wabaawo emirembe mu nsi yonna?

Wandizzeemu otya?

• Yee

• Nedda

• Oboolyawo

Bayibuli ky’egamba

Yesu Kristo bw’aliba nga y’afuga ensi, ‘emirembe giriba mingi nnyo okutuusa omwezi lwe guliba nga tegukyaliwo.’ Ekyo kitegeeza nti walibaawo emirembe egy’olubeerera.​—Zabbuli 72:7.

Ebirala bye tuyiga mu Bayibuli

• Abantu ababi bajja kuggibwawo ku nsi, kisobozese abantu abalungi okuba mu mirembe n’essanyu.​—Zabbuli 37:10, 11.

• Katonda ajja kuggyawo entalo zonna.​—Zabbuli 46:8, 9.

Kisoboka okuba n’emirembe mu mutima mu kiseera kino?

Abantu abamu bagamba nti . . . emirembe ng’egyo tetusobola kuba nagyo ng’ensi ekyalimu okubonaabona n’obutali bwenkanya. Ggwe olowooza otya?

Bayibuli ky’egamba

Ne mu kiseera kino, abo abalina enkolagana ennungi ne Katonda basobola okufuna “emirembe gya Katonda egisingira ewala okutegeera kwonna.”​—Abafiripi 4:6, 7.

Ebirala bye tuyiga mu Bayibuli

• Katonda asuubiza nti ajja kuggyawo okubonaabona kwonna n’obutali bwenkanya, era ‘ebintu byonna abizze buggya.’​—Okubikkulirwa 21:4, 5.

• Tusobola okufuna emirembe mu mutima bwe tukola ku ‘bwetaavu bwaffe obw’eby’omwoyo.’​—Matayo 5:3.