Okwejjukanya Ebikwata ku Kijjukizo

Ekijjukizo ky’omwaka guno kijja kubaawo ku Lw’Okuna nga Maaki 24. Abakadde balina okwekenneenya ensonga zino wammanga:

◼ Nga mutegeka ekiseera eky’okukuŋŋaanirako, mukakase nti obubonero bujja kuyisibwa ng’enjuba emaze kugwa.

◼ Buli omu nga mw’otwalidde n’omwogezi, alina okutegeezebwa ekiseera kyennyini n’ekifo awanaabeera omukolo.

◼ Ekika ky’omugaati n’enviinyo ebisaanidde, birina okufunibwa era bitegekebwe.​—Laba Watchtower aka Febwali 15, 2003, emp. 14-15.

◼ Essowaani, amagiraasi, emmeeza esaana awamu n’ekitambaala kyakwo birina okuleetebwa awanaaba omukolo era bitegekebwe nga bukyali.

◼ Ekizimbe ky’Obwakabaka oba ekifo ekirala kyonna eky’okukuŋŋaaniramu kirina okuyonjebwa obulungi ng’olukuŋŋaana terunnatuuka.

◼ Abaaniriza abagenyi n’abanaaweereza obubonero balina okulondebwa era n’okutegeezebwa nga bukyali ebikwata ku mirimu gyabwe, enkola eneegobererwa, awamu n’ennyambala n’okwekolako ebinaaweesa omukolo ekitiibwa.

◼ Enteekateeka zirina okukolebwa okutwala obubonero eri eyafukibwako amafuta yenna ataasobole kubeerawo olw’obulwadde.

◼ Bwe kiba nti ebibiina ebisukka mu kimu bijja kukozesa Ekizimbe ky’Obwakabaka kye kimu, wateekwa okubeerawo entegeka ennungi wakati w’ebibiina okusobola okwewala omujjuzo ku mulyango, mu luggya, n’awasimba emmotoka.