Omukutu Gwaffe Ogwa Intaneeti​—Gukozese Okuyamba Omuntu Ayogera Olulimu Olulala

Mulage Omukutu Gwaffe: Genda awali ekigambo “Olulimi” omulage engeri gy’ayinza okukozesaamu omukutu gwaffe mu lulimi lwe. (Mu nnimi ezimu, waliwo ebintu ebitannateekebwako.)

Mulage Ekimu ku Bitabo Ebiri mu Lulimi Lwe: Nyiga ku kitabo gamba nga Baibuli Ky’Eyigiriza, oba tulakiti Okumanya Amazima. Genda awali ebigambo “Bisome Mu,” olonde olulimi lwe ku lukalala lw’ennimi.

Awulirize Ekitundu Ekisomebwa: Genda awali ekitundu ekisomebwa mu lulimi lwe, omuteereko awulirize. Bw’oba oyiga olulimi olulala, wuliriza ebisomebwa mu lulimi olwo nga bw’ogoberera mu kitabo.​—Genda onyige ku “Ebitabo,” oluvannyuma onyige ku “Ebitabo n’Obutabo,” oba nyiga ku “Ebitabo,” oluvannyuma onyige ku “Magazini.”

Gukozese ng’Osanze Kiggala: Bw’osanga kiggala, muteereko vidiyo eri mu lulimi lwa bakiggala. Oyinza okumuteerako essuula okuva mu Bayibuli, mu katabo, mu brocuwa, oba tulakiti.​—Genda onyige ku “Ebitabo,” oluvannyuma onyige ku “Olulimi lwa Bakiggala.”

[Ekipande ekiri ku lupapula 6]

(Bw’oba oyagala okulaba bwe bifaananira ddala, genda mu katabo)

Kola Bino

1 Nyiga ku kabonero kano ▸ osobole okuwuliriza ng’ekitabo kisomebwa (bwe kibaako mu lulimi lw’oyagala), oba nyiga ku kika kya fayiro gy’oyagala okiwanuleko.

2 Bw’oba obyagala mu lulimi olulala, genda awali ebigambo “Bisome Mu” olonde olulimi olwo.

3 Nyiga ku kigambo “Ebiddako” oba ku gumu ku mitwe egiri wansi wa “Ebirimu” osobole okusoma ekitundu ekirala oba essuula endala.