ຊີວິດຄລິດສະຕຽນ
ເຈົ້າເຫັນຄຸນຄ່າຖ້ອຍຄຳຂອງພະເຈົ້າຫຼາຍສ່ຳໃດ?
ຄຳພີໄບເບິນມີຄວາມຄິດແລະຄຳເວົ້າຂອງພະເຢໂຫວາພະເຈົ້າເຊິ່ງເປັນຜູ້ແຕ່ງປຶ້ມສັກສິດນີ້. (2 ເປ 1:20, 21) ຄຳພີໄບເບິນເນັ້ນເລື່ອງສິດໃນການປົກຄອງຂອງພະເຈົ້າໂດຍທາງການປົກຄອງຂອງພະອົງ ເລື່ອງນີ້ເຮັດໃຫ້ມະນຸດທຸກຄົນມີຄວາມຫວັງທີ່ວ່າອີກບໍ່ດົນຈະມີຊີວິດທີ່ດີຂຶ້ນ. ຄຳພີໄບເບິນຍັງບອກໃຫ້ເຮົາຮູ້ກ່ຽວກັບຄຸນລັກສະນະທີ່ດີຂອງພະເຢໂຫວາພໍ່ຂອງເຮົາຜູ້ຢູ່ໃນສະຫວັນ.—ເພງ 86:15
ເຮົາແຕ່ລະຄົນເຫັນຄຸນຄ່າຄຳສອນຂອງພະເຈົ້າດ້ວຍເຫດຜົນທີ່ແຕກຕ່າງກັນ. ແຕ່ເຮົາສະແດງໃຫ້ເຫັນບໍວ່າເຮົາຮູ້ຄຸນຄ່າຂອງຂວັນທີ່ມີຄ່ານີ້ໂດຍອ່ານຄຳພີໄບເບິນທຸກມື້ແລະເອົາມາໃຊ້ໃນຊີວິດຂອງເຮົາ? ຂໍໃຫ້ການກະທຳຂອງເຮົາສະແດງໃຫ້ເຫັນວ່າເຮົາຮູ້ສຶກຄືກັບຜູ້ຂຽນຄຳເພງທີ່ວ່າ: “ຂ້ອຍຮັກກົດໝາຍຂອງພະອົງແທ້ໆ!”—ເພງ 119:97, ລ.ມ.
ເບິ່ງວິດີໂອພວກເຂົາເຫັນຄຸນຄ່າຄຳພີໄບເບິນ-ເລື່ອງຂອງວິນລຽມ ທິນເດລ ແລ້ວຕອບຄຳຖາມຕໍ່ໄປນີ້:
ເປັນຫຍັງວິນລຽມ ທິນເດລຈຶ່ງແປຄຳພີໄບເບິນບາງສ່ວນ?
ເປັນຫຍັງຄວາມພະຍາຍາມຂອງລາວໃນການແປຄຳພີໄບເບິນຈຶ່ງໜ້າສົນໃຈ?
ມີການລັກລອບເອົາຄຳພີໄບເບິນສະບັບແປຂອງວິນລຽມເຂົ້າໃນປະເທດອັງກິດໄດ້ແນວໃດ?
ເຮົາແຕ່ລະຄົນຈະສະແດງໃຫ້ເຫັນແນວໃດວ່າເຮົາເຫັນຄຸນຄ່າຖ້ອຍຄຳຂອງພະເຈົ້າ?