Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 4

“Konso konso bantu bakimbanga kwikala na mutyima-ntenke, kifwa basakanga kumona kaji kalumbuluke ne kwikalama nyeke. Ino le uyukile ne kuyuka amba kudi nsulo kampanda ileta mutyima-ntenke waendaenda, ikupa nobe muswelo wa kwikala nao nyeke ne nyeke? [Tanga Mitōto 16:​8, 9.] Ino nimelo ya Kiteba kya Mulami ibandaulanga i kwepi kotukokeja kutana mutyima-ntenke wabinebine.”

Réveillez-vous ! 22 Kweji 4

“Bantu bavule pano batambanga mu bipwilo biyukane mwanda wa kutōta Leza mobasakila. Abe ulanga namani pa kino kisela? [Muleke akulondolole.] Bible witulombola amba muswelo otutōta Leza udi na mvubu ku meso andi. [Tanga Yoano 4:24.] Ino nimelo ya Réveillez-vous ! itulombola muswelo mulumbuluke wa kubwanya bisakibwa bya ku mushipiditu.”

Kiteba kya Mulami 1 Kweji 5

“Le uyukile’ko muntu kampanda ubela bininge nansha udi na bulema kabidye? Bine, nobe kwidilwepo amba bantu ba uno muswelo basakilwa kukankamikwa. Ino le tubwanya kwibakankamika namani? Bible udi na binenwa bileta lukulupilo. [Tanga Isaya 35:​5, 6.] Ino nimelo ya Kiteba kya Mulami ishintulula kine kyotufwaninwe kukulupidila amba buno bupolofeto busa kufikidila.”

Réveillez-vous ! 8 Kweji 5

“Mu mwaka wapityile’u, bantu babudilwe ndoe kashā. Molangila imbikalo ya bantu idi’tu na bukomo bwa kutūla’ko ndoe pano pa ntanda ponso? [Shi wapu kukulondolola, tanga Isaya 2:4.] Ino nimelo ya Réveillez-vous ! ilombola kine kyotukokeja kukulupidila amba bine ndoe ikekala’ko pano pa ntanda ponso.”