Bisangilu Bia Mudimu Bua Lumungulu
Lumingu lua 6 Lumungulu
Min. 10: Mamanyisha. Mamanyisha makumbanyine a mu Mudimu wetu wa Bukalenge. Akula bua malu a disanka adi atangila Tshivulukilu tshienza mu tshisumbu tshienu.
Min. 15: “Bikondo bidi bishintuluka.” Mu nkonko ne mandamuna. Ela kashonyi pa mushinga wa kufila bumanyishi bua Bukalenge pa kuakula ne bantu pa tshidi tshipita kubanyingalaja. Akula bua imue ntatu ya mu dîku peshi ya mu nsombelu wa bantu idi isumpakaja bantu bavule, bu mudibi bileja mu Tshibumba tshia Nsentedi tshia mu dia 1 Tshiongo 1994, mabeji 22-23.
Min. 20: “Mufundu wonso udi ne mushinga bua kulongesha.” Akula bua mudi Traduction du monde nouveau muikale Bible wa pa buende ne leja mudiye mupite mikuabu. Leja bulenga bua ngakuilu wende wa buena-lelu. (Tangila mukanda wa “Toute Écriture,” dibeji dia 320, bikoso 4-6.) Maleja abidi ku diambuluisha dia ngenzelu mifile.
Musambu wa 20 ne disambila dia nkomenu.
Lumingu lua dia 13 Lumungulu
Min. 10: Mamanyisha. Luapolo lua konte.
Min. 20: “Tuenzayi mudimu wa tshijila butuku ne munya.” Mu nkonko ne mandamuna. Bala tshikoso 5 ne 6.
Min. 15: “Tuambuluishayi bantu netu bua kumanyabu mushinga wa Bible.” Mukulu kampanda udi uyukidilangana ne bamanyishi babidi peshi basatu pa tubingila tua kuenza makumbulula ne tshipatshila tshia kutuadija malonga a Bible. Konkononayi bilejilu bifila bia dienza makumbulula ne enzayi manaya a kudibidija nawu.
Musambu wa 113 ne disambila dia nkomenu.
Lumingu lua dia 20 Lumungulu
Min. 10: Mamanyisha. Mapiamapia a Teokrasi.
Min. 15: “Mêba a bisangilu neashintuluke anyi?” Mutangidi-muludiki ayukidilangane tshitupa etshi ne bateleji. Pikalaku dîba, nukonkonone ngenyi ya mu Tshibumba tshia Nsentedi (mu Mfualanse) tshia mu dia 15 Tshimungu 1988, dibeji dia 19, tshikoso tshia 15 ne tshia mu dia 1 Kasuamansense 1988, dibeji dia 17, tshikoso tshia 13.
Min. 20: “Ikalayi ne bikadilu biakanangane ne lumu luimpe.” Mu nkonko ne mandamuna. Ambulula imue ngenyi miangatshila mu Tshibumba tshia Nsentedi (mu Mfualanse) tshia mu dia 15 Kabalashipu 1989, mabeji 16-17, bikoso 5-9.
Musambu wa 204 ne disambila dia nkomenu.
Lumingu lua dia 27 Lumungulu
Musambu 6
Min. 10: Mamanyisha. Vuluija imue ngenyi ya mushinga ya mu muyuki wa pa buawu ne umvuija mushindu udiyi mua kusaka bantu basankididi bua kuangatabu dipangadika dikole dia kuditeka ku luseke lua ntendelelu mulelela. Ukoke kabidi ntema pa kazubu kadi kamba ne: “Tutungunukayi ne kudiunda mu dimanya dilelela” ne wele kashonyi pa mushinga wa kubuela pa tshibidilu mu Dilonga dia Mukanda.
Min. 15: Bidi tshisumbu tshikengela. (Peshi muyuki muashila pa tshiena-bualu: “Utuku ubabidila dilonga dia pa nkayebe anyi?” tshipatula mu Tshibumba tshia Nsentedi tshia mu dia 15 Kabalashipu 1994, mabeji 8-11.)
Min. 20: Tufilayi mukanda mupiamupia wa Dimanya didi difikisha ku muoyo wa kashidi mu Kabalashipu. Konkononayi bimanyinu bidi bikoka ntema bia mukanda eu, tshilejilu: biena-bualu bia mushinga bia nshapita, bimfuanyi bidi bileja malu ne mumvuija mapepele, bukese buawu ne nkonko miela ne lungenyi. Sungula bimue biena-bualu bia kuyukidilangana bidi mua kukoka ntema ya bantu mu teritware. Mukanda wa Dimanya mmuenza mu mushindu wa pa buawu bua kulombola malonga a Bible adi apatula bipeta bimpe. Tudi ne bua kuenza madikolela a pa buawu bua kualukila kutangila aba bonso badi bawanyishe, ne tshipatshila tshia kutuadija malonga a Bible. Dinaya dimue peshi abidi kudi mumanyishi mupiluke. Kankamija muntu yonso bua kutumikaye bilenga mu buambi ne mukanda eu mupiamupia bituadijile mu Kabalashipu.
Musambu wa 195 ne disambila dia nkomenu.