Bisangilu Bia Mudimu Bua Tshimungu
Lumingu lua dia 5 Tshimungu
Min. 12: Mamanyisha. Mamanyisha makumbanyine a mu Mudimu wetu wa Bukalenge. Wele nseka pa luapolo lua mudimu wa tshisumbu bua ngondo mushale.
Min. 15: “Tukumbajayi mutshipu wetu ku dituku ne ku dituku.” Mu nkonko ne mandamuna. Uvuluije ngenyi idi mu mukanda wa Auxiliaire, dibeji dia 1520, tshikoso tshia 11, too ne dibeji dia 1521, tshikoso 1, pa kuleja bua tshinyi mutshipu ndilaya ditudi ne bua kuangata ne mushinga.
Min. 18: “Tuidikijayi Yehowa pa kuditatshisha bushuwa bua bakuabu.” (Bikoso 1-3) Utumike ne tshikoso tshia kumpala bua kuleja tshiena-bualu tshia muyuki. Ushindike broshire idi mu stoke mu tshisumbu yanyishibua bimpe mu teritware wenu. Pashishe ukonkonone bikoso 2-3 nkayabi ne uleje ku diambuluisha dia manaya a tshilejilu mushindu wa kutumika ne broshire wa Dieu se soucie-t-il vraiment de nous ? mu dipetangana dia kumpala ne mu dikumbulula. Uleje mushindu udi bamanyishi mua kulongolola dileja diabu nkayabu dia broshire mukuabu udi muakanyine teritware wa tshisumbu.
Musambu wa 112 ne disambila dia nkomenu.
Lumingu lua dia 12 Tshimungu
Min. 15: Mamanyisha. Luapolo lua konte ne muyuki muenza ne musangelu kudi mukulu pa tshiena-bualu “Mapa . . . ” (dibeji 3 ne 4)
Min. 15: “Tuidikijayi Yehowa pa kuditatshisha bushuwa bua bakuabu.” (Bikoso 4-5) Ukonkonone anu bikoso 4-5 ne imue ngenyi minene idi mu broshire wa Padi muntu uudi munange ufua. . . Dinaya dia tshilejilu pa mayukidilangana a tshitembelu mafila bua dipetangana dia kumpala ne bua dikumbulula.
Min. 15: Mandamuna ku nkonko yenu. Muyuki kudi mukulu. Umvuija bua tshinyi aba badi balombola bisangilu kabena ne bua kuibidilangana bipitshidile ne bana betu ba balume ne ba bakaji pa kubabikila anu mu mêna abu akena a mu dîku (prénoms) padibu babela nkonko.
Musambu wa 16 ne disambila dia nkomenu.
Lumingu lua dia 19 Tshimungu
Musambu wa 162
Min. 10: Mamanyisha.
Min. 20: “Ukadiku mutete buambi bua ku dilolo anyi?” Muyuki ne diyukidilangana pamue ne bateleji ne diela bamue bana betu nkonko. Wakule bua mùtù malu apitakana padibu bakumbula teritware ku dilolo menemene. Usakidile malu menzeka adi aleja bipeta bilenga bia buambi bua ku dilolo. Uvuluije programe wa tshisumbu wa ku lumingu ku lumingu bua bisangilu bia mudimu wa buambi.
Min. 15: “Tuidikijayi Yehowa pa kuditatshisha bushuwa bua bakuabu.” (Bikoso 6-8) Ku diambuluisha dia tshikoso tshia ndekelu tshia tshiena-bualu, ukankamije muntu yonso bua akumbulule pa lukasa aba bavuaye mushile broshire. Manaya a tshilejilu mashila pa bikoso 6-7: pa mushindu wa kuleja broshire wa But de la vie mu dipetangana dia kumpala ne kutuadija dilonga diashila pa nshapita wa kumpala wa mukanda wa Dimanya mu dikumbulula. Uvuluije bamanyishi bua se: badi mua kudienzela abu maleja bua kufila broshire mikuabu pa kulonda ngenyi mifila bu bilejilu mu Mudimu wetu wa Bukalenge.
Musambu wa 64 ne disambila dia nkomenu.
Lumingu lua dia 26 Tshimungu
Min 10: Mamanyisha. Ukonkonone mu tshikoso nimero ya ndekelu ya bibejibeji ne uzangike ngenyi idi ikoka ntema ya kutumika nayi ku nzubu ne ku nzubu.
Min. 15: Tudimayi tshipatshila tshia mudimu wa ku dîba ne ku dîba. Diyukidilangana pankatshi pa mukulu umue ne bansonga babidi anyi umue diashila pa Tshibumba tshia Nsentedi tshia mu dia 15 Tshisua-munene 1988, mabeji 25-7 (mu Mfualansa). Bansonga badi bela meji pa bipatshila bidibu badifundila bua kukumbaja kunyima kua bamane kujikija tulasa tuabu. Badi baleja musangelu bua masanka a bintu bia ku mubidi adibu mua kupetela ku mudimu kampanda mu bulongolodi ebu. Mukulu udi ukoka ntema yabu ku tubingila tulenga tudi tuleja se: mbitambe buimpe bua kuipatshila mudimu wa bumpanda-njila. Bansonga badi bitaba, kadi badi ne mpata pa makokeshi abu a kudiambuila bujitu bua kukumbaja majinga abu a mfranga eku bikale bampanda-njila. Mukulu udi ubalondela malu mangatshila mu tshiena-bualu tshia mu Tshibumba tshia Nsentedi adi aleja ne: mudimu wa bumpanda-njila udi tshipatshila tshiakanyine, ne kudi mushindu wa kutshikumbaja ne tshidi tshipetesha bavule disanka. Ku ndekelu kua diyukidilangana diabu, bansonga badi baleja dianyisha diabu bua tshivua mukulu muambe ne dijinga diabu dia kuelangana meji bikole pa tshipatshila tshia kudifila menemene mu mudimu wa buambi.
Min. 20: “Mushindu wa kuenza bayidi ku diambuluisha dia mukanda wa Dimanya.” Muyuki muashila pa bikoso 12-16 bia tshisakidila tshia Mudimu wetu wa Bukalenge wa Kashipu 1996. Manaya a tshilejilu abidi a dilonga dia Bible. Dia kumpala didi dileja mushindu wa kuambuluisha mulongi bua kulongolola dilonga pa kuela kashonyi pa miaku ne biambilu bia mushinga bidi biandamuna buludiludi menemene ku nkonko mifunda. Mu dinaya dibidi, uleje tshidi muntu mua kuamba bua kukankamija mulongi wa Bible bua kubuela mu Tshisangilu tshia Patoke ne mu Dilonga dia Tshibumba tshia Nsentedi.
Musambu wa 116 ne disambila dia nkomenu.
Lumingu lua dia 2 Kabitende
Musambu wa 212
Min. 10: Mamanyisha. Ukonkonone kazubu ka “Programe wa mpuilu wa tshijengu mupiamupia.”
Min. 20: Mmunyi mudi muntu mua kupeta dilonga dia Bible? Mukulu umue udi ulombola diyukidilangana ne bamanyishi babidi anyi basatu badi bapeta bipeta bilenga pa bidi bitangila dilombola dia malonga a Bible; badi bakonkonona mishindu ya kupeta bipeta bilenga bua kutuadija malonga a Bible: (1) Kusambila bua kupeta diambuluisha dia Yehowa. (2) Kuenza pa tshibidilu mudimu wa buambi mu mishindu mishilangane bua kupeta bantu badi badiakaje. (3) Kufunda dijinga dionso dia kumanya bivule dileja ne kukumbulula pa lukasa bantu aba. (4) Misangu yonso kulomba dilonga kudi bantu badi baleja dijinga dia kumanya bivule. (Tangila ka-tshiena-bualu ka “Dituadija malonga a Bible” mu Tshibumba tshia Nsentedi tshia mu dia 15 Luishi 1996, dibeji dia 20.) (5) Kuikala mutuishibue bua se: ndi ne makokeshi a kulongesha pa kutumika ne ngenyi inayi mifila mu Tshibumba tshia Nsentedi tshia mu dia 1 Kasuabanga 1984, mabeji 13-17 (mu Mfualansa).
Min. 15: Bidi tshisumbu tshikengela anyi muyuki kudi mukulu muashila pa tshiena-bualu tshia “Disambibua ne dikankamijibua—Mabue a mushinga a nseke mivule,” tshipatula mu Tshibumba tshia Nsentedi tshia mu dia 15 Tshiongo 1996, mabeji 21-3.
Musambu wa 165 ne disambila dia nkomenu.