Tumanyishayi Bantu Netu Nsapi Wa Disanka Mu Dîku
1 Dîku Nkatupa Ka Nshindamenu Ka Nsangilu Wa Bantu, Nkasumbu Kadi Kasa Misoko Mikese, Bimenga Binene, Matunga Ne Bisamba Mu Ka-bujima Kabi. Lelu’eu, Kupita Tshikondo Kayi Tshionso, Dîku Ndinyukula Bikole. Makole Manene Adi Afika Mene Too Ne Ku Diteka Nsombelu Wa Dîku Mu Njiwu. Mmunyipu Mutudi Ne Dianyisha Kudi Yehowa, Muenji Wa Dîku, Bua Mudiye Utulongesha Mua Kupeta Disanka Mu Dîku! Batu Batumikila Mibelu Yende Batu Bamona Se: Ntatu Idi Ijika Ne Badi Bafika Ku Dikala Ne Buobumue Mu Dîku. Mu Kasuamansense, Tudi Ne Disanka Dia Kuabanya Mukanda Wa Nsapi Wa Disanka Mu Dîku. Tuangate Dipangadika Dia Kutuadija Diyukila Ne Bantu Pa Nsombelu Wa Mu Dîku. Tudileje Balunda, Ne Mmuenenu Muimpe Ne Tuikale Ne Busunguluji. Tshitudi Mua Kuamba Ntshinyi?
2 Udi mua kujula lukonko bu mudi elu:
◼ “Ukadiku mutentekele ne: mêku mavule adi ne lutatu lua kuakama bifimpakaji bia mu nsombelu anyi? [Lekela muntu andamune.] Mbimueneke se: bantu bavule badi ne ntatu mu mêku abu. Buebe wewe, ntshinyi tshidi mua kuambuluisha mêku bua atambe kuikala mashindame ne a disanka? [Lekela muntu andamune.] Bu mudi Nzambi muikale Muenji wa dîku, kabienaku bia meji bua kukonkonona mibelu idiye ufila pa bualu ebu anyi? [Bala 2 Timote 3:16, 17.] Dilongesha edi didi dikale bua buimpe buetu ndifila mu mukanda eu wa Nsapi wa disanka mu dîku.” Pashishe webeje muntu tshidi, buende yeye, lutatu lua pa tshibidilu lua mu dîku, leja nshapita udi wandamuna ku lukonko elu ne muleje mukanda.
3 Mu dikumbulula, muudi ne tshipatshila tshia kutuadija dilonga dia Bible, udi mua kuamba ne:
◼ “Ndi muele meji pa tshiuvua mungambile bua bidi bitangila nsombelu wa mu dîku, ne ndi mukutuadile tshintu tshiwikala ne bua kuanyisha. [Leja broshire wa Utulomba, mubulule mu dibeji 16 ne bala nkonko isambombo miela ku mutu kua dibeji.] Bidi bia meji bua muntu yonso wa mu dîku enze tshiende tshitupa bua kuambuluisha mu disanka dia mu dîku. Biwandekeelaku minute mikese patupu, nenkuleje mushindu wa kulongela biakane ku bidi bifunda muine emu.” Tuadijayi kulonga dilongesha 8.
4 Mushindu mukuabu uudi mua kutuadija diyukidilangana nkuasa tshilumbu, pa kuamba bualu bu mudi ne:
◼ “Nansha mudi muntu yonso ujinga kupeta dianyisha ne disankishibua, mbimueneke ne: mêku a bungi kaatu atamba kubipeta nansha. Buebe wewe, ntshinyi tshidi mua kuambuluisha bena mêku aa bua kupetabu disanka dilelela? [Lekela muntu andamune.] Kukadi mutantshi mule, Bible mmusokolole ntatu ivua mêku ne bua kutuilangana nayi lelu’eu. [Bala 2 Timote 3:1-3.] Kadi, Bible udi umvuija kabidi mêku mushindu wa kuenza bua kujandulawu ntatu yawu ne kuikala ne disanka dia mutantshi mule. Ebi mbileja mu mukanda eu wa Nsapi wa disanka mu dîku.” Pashishe ukoke ntema ya muntu eu pa nkonko ya diambulula idi ku ndekelu kua nshapita muakanyine, uyibale ne umuambile bua kuangata mukanda.
5 Mu dikumbulula, utumike ne broshire wa “Utulomba” bua kutuadija dilonga. Udi mua kuamba ne:
◼ “Ndi muanyishe bikole dijinga diebe dia kukonkonona mêyi-maludiki a mu Bible adi alenga nsombelu wa mu dîku. Malu mamonamona adi aleja ne: dilonda mibelu miakanyine ya mu Bible didi dipatula bipeta bitambe buimpe. Mona kabingila pa bualu ebu.” Bala tshikoso tshia kumpala tshia dilongesha 1 mu broshire wa Utulomba, pamue ne Musambu 1:1-3 anyi Yeshaya 48:17, 18. Bikalaku mushindu, konkononayi dilongesha dijima. Muebeje bua wewe kualukila ne kuyukidilangana pa dilongesha didi dilonda.
6 Bua bidi bitangila mikanda yetu: Bu mutudi bamanye se: mikanda yetu n’ya mushinga mukole ne diyipatula didi dilomba mfranga ya bungi, bitu bitufikilaku bua kuelakana bua kuleja bibejibeji, broshire peshi mikanda kudi bantu batudi tupetangana nabu anyi? Mmunyi mutudi mua kujadika se: bantu batudi tushila mikanda badi bayanyisha? Mushindu umue ng’wa kuebeja muntu bikalaye utujadikila bushuwa se: neabale mukanda utudi tumushila.
7 Tshilejilu, paudi ufila mukanda wa “Disanka mu dîku,” udi mua kuamba ne:
◼ “Biwangambila se: neubale mukanda eu, nenkushilewu ku dipa dikese. Pamu’apa neujinge kumanya bua tshinyi tudi tulomba dipa dikese. Tudi tuenza nanku bualu mudimu wetu udi wenda ku diambuluisha dia mapa a budisuile. Mapa enu adi atuambuluisha anu bua kupingaja mfranga mitula bua kufutshila njila. Nunku nengikale ne disanka dia kukushila mukanda eu wakuambuluisha bua kupeta nsapi mulelela wa disanka mu dîku ne ebi anu ku dipa dikese dia . . . [Mumanyishe dipa dia pa tshibidilu.]”
8 Tuenze muetu muonso bua kumanyisha bantu netu nsapi udi ufikisha ku disanka mu dîku: ditumikila mêyi-mashidimunyi maleja mu Dîyi dia Nzambi.—Mus. 19:7-10.