Bisangilu bia Mudimu bua Tshisanga

Lumingu lua dia 6 Tshisanga

Musambu 3

Min.  5: Mamanyisha. Mamanyisha makumbanyine a mu Mudimu wetu wa Bukalenge.

Min. 20: “Tuenzayi mudimu wa tshijila butuku ne munya.” Mu nkonko ne mandamuna. Bala bikoso 5 ne 6.

Min. 20: “Bueja munda mua bakuabu ditekemena dia muoyo wa kashidi.” Diyukidilangana ne bateleji. Umvuija mu mêyi makese mushindu udi muntu mua kutumika bimpe ne nkonko bua kutungunuja diyuki. Fila bimue bilejilu bia nkonko ya dilombola lungenyi ne ya difila mmuenenu idi muntu mua kutumika nayi mu dileja. (Tangila Manuel pour L’École, mabeji 50-51, bikoso 10-12.) Dinaya dia tshilejilu: mumanyishi mukumbane ambulule dimue dia ku maleja mafila ne dikumbulula muikalaye mua kutuadija dilonga dia Bible.

Musambu 88 ne disambila dia nkomenu.

Lumingu lua dia 13 Tshisanga

Musambu 60

Min.  8: Mamanyisha. Luapolo lua konte.

Min. 15: Petela masanka mavule mu Annuaire 1998. Tatu udi ukonkonona mabeji 3-6, 31 ne dîku diende, uleja bipeta bia pa buloba bujima bia teokrasi bia tshidimu tshishale. Leja masanka adi dîku dipetela ku dibala ne diyukidilangana pa mvese wa ku dituku ne pa bitupa bia mu Annuaire dîba dia didia, pikalabu bapangadije bua kutungunuka ne kuenza nunku munkatshi mua tshidimu.

Min. 22: “Netuwenze kabidi anyi?” (Bikoso 1-11) Mu nkonko ne mandamuna. Londa malu manene a mu kampanye ka musangu mushale ka bumpanda-njila buambuluishi, bu mudibi bileja mu Annuaire 1998. Manyisha bungi bua bavua benze bumpanda-njila buambuluishi tshikondo atshi. Yukidilanganayi pa masanka a lukasa a muntu nkayende atudi tupetela ku bumpanda-njila, ne leja mudi madikolela a pa mutu aa ambuluisha bua dilubuluka dia tshisumbu. Manyisha ndongoluelu ya mudimu wa buambi mipangadija mu tshisumbu bua Tshisanga ne Lumungulu bua kuambuluisha bana betu ba bungi bua benze bumpanda-njila. Bamanyishi badi mua kupeta formilere ya dilomba panyima pa bisangilu.

Musambu 195 ne disambila dia nkomenu.

Lumingu lua dia 20 Tshisanga

Musambu 43

Min. 10: Mamanyisha.

Min. 15: “Mandamuna ku nkonko yenu.” Mu nkonko ne mandamuna.

Min. 20: “Bana​—Nudi disanka dietu!” Mu nkonko ne mandamuna. Londa bualu bumona bua mu Tshibumba tshia Nsentedi tshia dia 1 Tshimungu 1987, dibeji 25 (Mfual.).

Musambu 224 ne disambila dia nkomenu.

Lumingu lua dia 27 Tshisanga

Musambu 94

Min. 10: Mamanyisha. Manyisha mêna a bonso badi bampanda-njila bambuluishi mu Lumungulu. Umvuija ne: dîba ki ndianji kupita bua kuuja formilere.

Min. 20: Akaja bapiabapia bua mudimu wa budimi. Muyuki ne diyukidilangana ne bateleji. Aba badi balombola dilonga mu mukanda wa Dimanya badi ne bua kuela meji bua kuakaja balongi babu bua kuenzabu mudimu wa budimi. Leja bidibu bambe mu mukanda wa Dimanya, mabeji 105-106, tshikoso 14, ne dibeji 179, tshikoso 20. Konkonona ngenzelu mu Tshibumba tshia Nsentedi tshia dia 15 Kasuabanga 1988, mabeji 16-17, bikoso 7-10 (Mfual.), bua bapiabapia banyishibue bu bamanyishi bakena batambule. Tangila ngenyi-mifila mu tshisakidila tshia Mudimu wetu wa Bukalenge wa Kashipu 1996, tshikoso 19, bua diambuluisha bamanyishi bapiabapia bakena batambule bua kutuadija mudimu wa buambi.

Min. 15: Mishindu ya kuluisha dipungi dia mu nyuma. Bakulu babidi badi bayukidilangana pa kazubu ka mu Tshibumba tshia Nsentedi tshia dia 15 Tshiongo 1986, dibeji 19 (Mfual.). Bua tshionso tshia ku ‘Bimanyinu bia dipungi,’ umvuija ku diambuluisha dia Mifundu mushindu udi muntu mua kupetela masanka ku “Biambuluishi bua ditantamana.” Pashishe wele bamanyishi babidi nkonko, bumvuije mudi ditumikila malu aa dibambuluishe bua kulama makanda abu a mu nyuma.

Musambu 47 ne disambila dia nkomenu.