Bisangilu bia Mudimu bua Kashipu

DIMANYISHA: Mudimu wetu wa Bukalenge newikale ne ndongamu wa Tshisangilu tshia Mudimu bua lumingu luonso mu tshikondo tshia mpungilu ya distrike. Bisumbu nebimuakajilule mudibi bikengedibua bilondeshile dibuela diabi mu mpungilu wa “Njila wa muoyo wa Nzambi” ne nebienze diambulula mu minute 30 dia malu manene a ndongamu wa mpungilu mu Tshisangilu tshia Mudimu tshienzeka mu lumingu ludi lulonda. Diambulula edi dia dituku ne dituku dia mpungilu nebadianjile kudipesha bana betu babidi anyi basatu bapiluke bikala mua kuzangika ngenyi ya nshindamenu. Pikaladi dilongolola bimpe, nediambuluishe bena mu tshisumbu bua kuvulukabu ngenyi ya mushinga, bua kumonabu mua kuyitumikila mu nsombelu wabu ne kutumika nayi mu buambi. Mandamuna a bateleji ne malu matela nebikale bipidija ne bisunguluke.

Lumingu lua dia 6 Kashipu

Musambu 223

Min.  8: Mamanyisha. Mamanyisha makumbanyine a mu Mudimu wetu wa Bukalenge. Mapiamapia a teokrasi.

Min. 15: “‘Balongolola biakane bua mudimu wonso muimpe.’” Mu nkonko ne mandamuna. Umvuija mu mêyi makese malu adi mu Tshibumba tshia Nsentedi tshia dia 15 Luishi 1989, mabeji 22-24 (Mfual.).

Min. 22: “Tuyishe ‘bantu ba mishindu yonso.’” Mukulu udi uleja ne: nansha mutudi tufila imue mikanda ya mabeji 192 mu Kashipu, tudi mua kuleja mukanda wa Muntu mutambe bunene wa katshia ne katshia anyi L’humanité à la recherche de Dieu padibi bimueneka biakanyine. Mukulu mukuabu ne bamue bamanyishi bapiluke badi bayukidilangana pa maleja mafila. Tela mu tshikoso bitendelelu bidi mu teritware wenu ne umvuija bua tshinyi tudi ne bua kuikala balongolole lungenyi kampanda bua kutuadija diyuki. Enzayi dinaya dimue anyi abidi mu tshikoso.

Musambu 112 ne disambila dia nkomenu.

Lumingu lua dia 13 Kashipu

Musambu 209

Min. 10: Mamanyisha. Luapolo lua konte.

Min. 15: “Badi batabalela bintu bia Mfumu.” Muyuki muenza kudi mukulu wambulula malu a mu tshisakidila.

Min. 20: “Buonso buetu tudi ne mushinga bua kukumbaja mudimu.” Mu nkonko ne mandamuna. Umvuija bua tshinyi bakulu batu bakengela bena budisuile ba bungi bua kuenza midimu ya mushinga. Akula bua bidi tshisumbu tshikengela, bu mudi disukula ne dilongolola Nzubu wa Bukalenge, diambuluisha badi basama ne bakulakaje ne buambi mu teritware mujima. Lomba bakulu bua baleje mushindu utubu banyisha diambuluisha didi bantu bavule batuala ne budisuile. Shindika ne: madikolela a muntu yonso adi ne mushinga mukole.

Musambu 153 ne disambila dia nkomenu.

Lumingu lua dia 20 Kashipu

Musambu 7

Min. 10: Mamanyisha.

Min. 20: Luanganayi ne tshikandi tshionso. Muyuki muashila pa Tshibumba tshia Nsentedi tshia dia 15 Tshiongo 1986, mabeji 10-14 (Mfual.). Akula bua mushinga wa mudimu wa bumpanda-njila bua pa tshibidilu ne kankamija bamanyishi bua kutuadijabu mudimu eu mu dia 1 Kabitende.

Min. 15: “Tufilayi bumanyishi ku bikadilu bimpe.” Mu nkonko ne mandamuna. Ela nkonko kudi bamue bansonga badi ne tshilejilu tshimpe. Badi bamba mudi bantu bakuabu bakemeshibue mu mushindu muimpe bua bikadilu biabu bia buena-nkristo. Londa bualu bumue bumona anyi abidi mangata mu Tshibumba tshia Nsentedi tshia dia 1 Tshiongo 1995, mabeji 24-25.

Musambu 170 ne disambila dia nkomenu.

Lumingu lua dia 27 Kashipu

Musambu 61

Min. 10: Mamanyisha. Vuluija muntu yonso bua kufila luapolo luende lua Kashipu.

Min. 15: Mushindu wa kulongolola njila wa diabanya bibejibeji. Ela kashonyi pa bualu budi ne mushinga: kufunda bibejibeji bionso biabanya, kualukila panyima pa mbingu ibidi idi ilonda, kuleja ngenyi mipiamipia ya mu nimero ya ndekelu bua kusonsola dijinga dia kumanya. Amba ne: mu njila wa diabanya bibejibeji mudi kabidi mua kuikala bena mutumba, bena mudimu nebe, bangenda, bena mudimu ba ku bipanyishilu bia kasolonyi, amu nanku. Leja abonema wa ngondo isambombo kudi aba badi ne dijinga ditungunuke dia kumanya. Lomba mumanyishi umue anyi babidi bua kulonda bualu bumona budi bukankamija pa bidi bitangila njila wa diabanya bibejibeji.

Min. 20: Bampanda-njila badi bambuluisha bakuabu. Muyuki muenza kudi mutangidi wa mudimu. Mu muyuki eu udi uleja dilongolola dia se: bampanda-njila nebafile diambuluisha dia muntu pa nkayende kudi bamanyishi. Umvuija ne: ndongamu ya diambuluisha ikavua mienjibue mu bikondo bia kale. (jv-F 100) Bantu bapiabapia bapite pa muliyo mujima bavua batambule mu bidimu bisatu bishale ebi badi bakengela kubalongesha. Ndongamu wa “Bampanda-njila badi bambuluisha bakuabu” udi ushindamena pa dipiluka ne dilongeshibua dia bampanda-njila ba pa tshibidilu ne ba pa buabu bavua babuele mu Kalasa ka Mudimu wa Bumpanda-njila. Tshipatshila ntshia ne: mpanda-njila yonso ambuluishe bamanyishi babidi ku tshidimu bua batambe kuikala bakumbane mu mudimu ne bua banange mua kudifilamu bikole. Badi bapeta diambuluisha edi kabena ne kabingila ka kunyingalela; tshipatshila ntshia kubakankamija mu dinanga ne bulenga. Ndongamu mupiamupia eu udi ne bua kuambuluisha bena nkristo nkama ya binunu bua kuluabu ba-ministre badi batamba kupatula bipeta bimpe.

Musambu 207 ne disambila dia nkomenu.