Bisangilu bia Mudimu bua Tshimungu
Lumingu lua dia 2 Tshimungu
Musambu 39
Min. 10: Mamanyisha. Mamanyisha makumbanyine a mu Mudimu wetu wa Bukalenge. Ela nseka pa luapolo lua mudimu wa budimi lua ditunga dietu ne lua tshisumbu tshienu bua Tshisanga. Kankamija bamanyishi bonso bua kudifila mu mudimu wa budimi mu Tshimungu.
Min. 17: “Tuangatayi dîna dilengele dia Yehowa ne mushinga mukole menemene.” Mbuelelu webe kafiki ku munite mujima to, pashishe utungunuke mu nkonko ne mandamuna. Ela kashonyi pa mvese mitela.—Tangila mukanda wa Muoyo wa kashidi, mabeji 184-185.
Min. 18: “Dimanya-mukanda ne bipatshila biebe bia mu nyuma.” Tatu udi uyukila ne muanende wa balume anyi wa bakaji pa tshiena-bualu etshi. Badi kabidi bakonkonona malu a muomumue mu Réveillez-vous! wa dia 22 Tshisua-munene 1995, mabeji 7-11.
Musambu 148 ne disambila dia nkomenu.
Lumingu lua dia 9 Tshimungu
Musambu 138
Min. 8: Mamanyisha. Luapolo lua konte.
Min. 12: Bampanda-njila badi bambuluisha bakuabu—Ndidiunda kayi didi dimueneke? Muyuki ne diela nkonko kudi mutangidi wa mudimu. Konkonona mêyi-malombodi mafila mu Mudimu wetu wa Bukalenge wa Kasuamansense 1998, dibeji 4. Umvuija muvua dilongolola edi dienza mu tshisumbu tshienu, ne leja didiunda didi bantu bavuabu bambuluishe benze. Ela mpanda-njila umue anyi babidi nkonko ne bamanyishi bakuabu bavuabu bambuluishe. Kankamija aba baluabu kuambuluisha pashishe bua ne: badifile bua kupeta dikuatshisha ku diambuluisha edi.
Min. 25: “Tshiibi tshia kuenza bumpanda-njila ntshiunzuluke mpindieu buebe wewe anyi?” Mu nkonko ne mandamuna kudi mukulu. Leja ne mmuenenu muimpe mishindu idiku bua bamanyishi ba bungi kuenzabu bumpanda-njila. Ela nkonko kudi bampanda-njila badi mua kulonda mushindu uvuabu bafike ku ditshimuna bipumbishi bia pa tshibidilu mu malu atu mabafikile. Konkonona “Ndongamu ya tshilejilu bua mpanda-njila wa pa tshibidilu,” pa kushindika mudi dilongolola malu bimpe mua kuambuluisha bua kukumbaja tshipatshila tshia mêba malomba. Manyisha ne: muntu yonso udi usua kupeta formilere wa bumpanda-njila udi mua kumupeta kunyima kua bisangilu.
Musambu 202 ne disambila dia nkomenu.
Lumingu lua dia 16 Tshimungu
Musambu 131
Min. 10: Mamanyisha. Nkushale anu mbingu ibidi bua Tshimungu, nunku ukankamije bantu bonso bua kupatuka mu buambi bangabanga ne ngondo kujikaye. Konkonona “Ndongamu mupiamupia wa mpuilu wa pa buende wa dituku dimue.”
Min. 15: Bidi tshisumbu tshikengela.
Min. 20: Udiku udifila mu dienza bayidi anyi? Diyukidilangana ne bateleji. Pa kumona bungi buvule bua mikanda itudi tushila bantu, dijinga dietu didi ne bua kuikala dia kutuadija malonga a Bible bua ne: tumone mua kuambuluisha bantu bapetele dikuatshisha ku mikanda idibu bangata. Lomba bamanyishi bua bele nseka pa malu adi abapangisha bua kulombola malonga a bungi: (1) Mbikole bua kupeta bantu badi basue bua kulonga mu imue teritware. (2) Bamue bantu badi basankidila bulelela badi bamba ne: dîba kadienaku dia kulonga. (3) Kunyima kua bamane kutuadija dilonga, mbikole bua kupeta muntu kumbelu bua kutungunuka ne dilonga pa tshibidilu. Kabidi tuma lungenyi ku meji adi bamanyishi bakuabu mua kuikala nawu bua mudimu wa dilombola malonga a Bible: (1) ‘Tshiena ndimona mukumbane bua kuikala mulongeshi to.’ (2) ‘Tshiena ne dîba dia kulombola dilonga dia ku lumingu luonso to.’ (3) ‘Ndi ngelakana bua kudiela mu dibanza kudi muntu.’ (4) ‘Ndi ngumvua ne: mbikumbane mundi ndifila mu bitupa bikuabu bia buambi.’ Fila ngenyi mimpe pa mushindu wa kutshimuna bipumbishi ebi bua kudifila mu mudimu wa dienza bayidi. Lomba bamanyishi badi ne bipeta bimpe mu mudimu wabu bua balonde disanka didibu bapete mu mudimu wa malonga a Bible.—Tangila tshisakidila tshia Mudimu wetu wa Bukalenge wa Lumungulu 1998, bikoso 3-8, 15.
Musambu 100 ne disambila dia nkomenu.
Lumingu lua dia 23 Tshimungu
Musambu 94
Min. 10: Mamanyisha.
Min. 15: Ambuluishayi bapiabapia bua kumona ne: dibaka ntshintu tshia tshijila. Mukulu udi ulombola diyukidilangana ne bateleji mu mukanda wa Comment raisonner, mabeji 224-226. Tutu tupetangana ne bena dibaka badi basankidila mukenji wa Bukalenge kadi bikale ne lujoko bua kulubuluka bualu mbasombe pamue kadi kabayi ne meji a kufundisha dibaka ku mikanda ya mbulamatadi. Yukilayi pa mushindu wa kubambuluisha bua bumvue bua tshinyi bena Kristo badi ne bua kuanyisha bunême bua dibaka. (Tangila Réveillez-vous! wa dia 8 Tshiongo 1992, mabeji 26-27.) Fila ngenyi pa bitudi mua kuamba ne bukalanga bua kuambuluisha bena dibaka ba nunku bua bumvue bua tshinyi kabena mua kubadibua bu bena mu tshisumbu too ne padibu bafundisha dibaka diabu ku mikanda ya mbulamatadi.
Min. 20: Nudi mua kukonkonona tshimue tshia ku biena-bualu bivua kabiyi bienza mu Kashipu anyi Tshimungu bua mpungilu wa distrike anyi “Ntshinyi tshiwambila muena Buddha?” Mu nkonko ne mandamuna. Tutu tudikonka misangu ya bungi tshitudi mua kuamba patudi tupetangana mu teritware ne bantu badi mu tshitendelelu tshidi katshiyi tshia Buena-Kristo, tshidi ne ngenyi, bienzedi ne bilele bitudi katuyi bamanye. Tshiena-bualu etshi ntshia ntuadijilu mu mulongo wa bitupa bitanu pa malu aa. Enzayi dinaya dia tshilejilu dilongolola bimpe. Bua kupeta mamanyisha a bungi pa Buena-Buddha, tangila tshisakidila tshia Mudimu wetu wa Bukalenge wa Luabanya 1998; mukanda wa Comment raisonner, dibeji 21; ne L’humanité à la recherche de Dieu nshapita 6.
Musambu 133 ne disambila dia nkomenu.
Lumingu lua dia 30 Tshimungu
Musambu 99
Min. 10: Mamanyisha. Vuluija bonso bua bafile luapolo lua mudimu bua Tshimungu. Balombodi ba Dilonga dia Mukanda dia Tshisumbu badi ne bua kujadika bikala muntu yonso mu tusumbu tuabu mufile luapolo luende bua ne: bafunde lua bantu bonso kumpala kua dia 6 Kabitende.
Min. 17: Tudi banange bana betu. Muyuki kudi mukulu, ubuejamu ne diyukidilangana ne bateleji diashila pa Tshibumba tshia Nsentedi tshia dia 1 Tshisua-munene 1995, mabeji 15-17, bikoso 7-11. Ela kashonyi pa dikuatshisha ditudi tupeta bonso patudi tufika ku dimanyangana bimpe ne bana betu, tukankamijangana ne tuambuluishangana bua kuakama ntatu. Fila ngenyi pa mushindu utudi mua kutamba kuenza malu bu nunku. Lomba bateleji bua balonde malu mamonamona adi aleja muvua dikankamija dia dinanga dia kudi bakuabu dibakoleshe ku muoyo ne dibapeteshe makanda.
Min. 18: Fila kabingila ka ditekemena diebe. Mukulu udi wela nkonko kudi mupiankunde umue anyi babidi ba tshilejilu tshimpe batu baya mu kalasa. Batu dîba dionso batuilangana ne nsombelu idi isaka bena panu bena mulongo nabu bua kusua kumanya bua tshinyi mipiankunde yetu kayitu idisangisha kudibu mu malu atubu benza. Padibu bapeta mushindu wa kumvuija mitabuja abu mashila pa Bible mu bikondo bia nunku, bansonga betu badi ne bua kuikala bashindame mu dikandamana diabu. Mukulu ne badiye wela nkonko badi bayukila pa mushindu udibu mua kuandamuna padibu babapesha makanya peshi bintu bia lulengu. Konkononayi ngelelu wa meji muleja mu mukanda wa Les jeunes s’interrogent, mabeji 277-281. Umvuija mudi dibingisha dia dipangadika diabu dia kuenza malu makane diambuluisha bu bukubi ne dijadika malu bimpe.
Musambu 129 ne disambila dia nkomenu.