Ndongamu wa Bisangilu bia Mudimu
Lumingu lua dia 13 Luabanya
Musambu 118
Min. 10: Mamanyisha. Mamanyisha makumbanyine a mu Mudimu wetu wa Bukalenge.
Min. 15: “Tudi tuyisha lumu luimpe.” Mbuelelu webe kafiki ku munite mujima to, pashishe utungunuke ne nkonko ne mandamuna. Fila bilejilu bia ngenyi ya mu Mifundu idi ileja mmuenenu muimpe iudi mua kuangatshila mu mukanda wa Dimanya paudi uufila mu buambi.
Min. 20: “Kudiku mushindu wa kuenza bua ngondo muinayi wa 2000 ikale ngondo wetu mutambe buimpe anyi?” (Bik. 1-11) Mu nkonko ne mandamuna. Manyisha bungi bua bena mu tshisumbu bavua benze mudimu wa bumpanda-njila buambuluishi matuku adi panshi aa. Lomba bamue badi bawenza bakule bua malu malenga adibu bapete bualu mbavudije mudimu wabu wa buambi. Kankamija bena mu tshisumbu bua benze mudimu ne tshipatshila tshia kuvudija bungi bua bampanda-njila bambuluishi mu Tshisanga. Konkononayi malu malomba bua kulua bampanda-njila bambuluishi maleja mu mukanda wa Mudimu wetu, mabeji 113-114. Peshayi bamanyishi bonso badi bakeba bua kulua bampanda-njila bambuluishi formilere kunyima kua tshisangilu etshi bua bayuuje.
Musambu 187 ne disambila dia nkomenu.
Lumingu lua dia 20 Luabanya
Musambu 21
Min. 10: Mamanyisha. Luapolo lua konte.
Min. 15: “‘Ntshinganyi tshindi mua kuenza?’” Mulombodi wa dilonga dia mukanda ne musadidi wa mudimu umue anyi babidi badi bayikila pa tshiena-bualu etshi. Bu mudi bantu kabayi mua kuenza malu muomumue, bamue bamanyishi badi mua kumona ne: kabena ne tshia nsongo tshidibu benza bua kukuatshisha mudimu wa tshisumbu to. Konkononayi amue malu mavule atudi bonso mua kuenza bua kukolesha tshisumbu ne kuyisha mudimu wa Bukalenge kumpala. Bua kujikija, uleje mushindu udi muntu yonso mua ‘kudilongolola bua luapolo lua ndekelu.’—Tangila mukanda wa Mudimu wetu, mabeji 108-110.
Min. 20: “Kudiku mushindu wa kuenza bua ngondo muinayi wa 2000 ikale ngondo wetu mutambe buimpe anyi?” (Bik. 12-18) Mu nkonko ne mandamuna. Buejamu dinaya dia tshilejilu dîpi bua kuleja mushindu wa kubikila mumanyangana nende bua alue mu Tshivulukilu. Konkononayi ngondo wa Tshisanga mu Calendrier 2000, ne manyisha programe wa bisangilu bia mudimu wa buambi udi tshisumbu tshienze. Vuluija muntu yonso bua ikale ne ndongamu muimpe udi mua kumuambuluisha bua kuenza mêba a bungi mu buambi mu ngondo eu, bua kakuikadi muntu nansha umue mu tshisumbu wabenga kudifila mu buambi. Kankamija muntu yonso udi mua kuenza bumpanda-njila buambuluishi bua alombe formilere kunyima kua tshisangilu.
Musambu 65 ne disambila dia nkomenu.
Lumingu lua dia 27 Luabanya
Musambu 119
Min. 10: Mamanyisha. Vuluija bonso bua bafile luapolo lua mudimu wa buambi wa Luabanya. Manyisha mêna a bantu bikala bampanda-njila bambuluishi mu Tshisanga. Umvuija ne: dîba ki ndianji kupita bua kuuja formilere to. Manyisha programe wa bisangilu bia buambi unudi balongolole bua ngondo eu. Kankamija muntu yonso bua kupatuka mu buambi ku ndekelu kua lumingu elu, bua kutuadija bimpe ngondo wa Tshisanga. Tshibumba tshia Nsentedi ne Réveillez-vous! ke bituafila ngondo eu. Sungula mu nimero mupiamupia yonso tshiena-bualu tshimue ne bualu budi buakanyine bidi bamanyishi mua kuangata bua kuyikidilanganapu ne bantu mu buambi. Muntu yonso udi ne bua kuikala ne broshire wa Utulomba ne kudikolesha bua kutuadija kulonga nende Bible ne bantu badi basankidila bulelela.
Min. 13: “Lomba diambuluisha.” Muyuki ne diyukidilangana ne bateleji kudi mukulu. Umvuija mushindu udi muntu yonso muikale ujinga bua bamuambuluishe mu mushindu kampanda musangu ne musangu. Bushuwa, muntu yonso udi ne bua kudiambuila bujitu buende. (Gal. 6:5) Kadi padibu butupita bukole, katuena ne bua kuelakana bua kulomba diambuluisha kudi muena mu tshisumbu udi mushindame mu nyuma nansha. Lomba bateleji bua balonde malu malelela adi aleja muvua bakuabu babambuluishe bimpe.
Min. 10: Majinga a tshisumbu.
Min. 12: Konkononayi Annuaire 2000. Diyukidilangana ne bateleji ne dikonkonona dia malu manene a mu tshiena-bualu etshi: “Totaux pour 1999” (Bungi busanga bua mu tshidimu tshia 1999), mu dibeji dia 31. Kabidi nukonkonone “Une lettre du Collège central” (Mukanda wa Kasumbu Kaludiki), mu mabeji 3-5. Lomba bamue bateleji bua bumvuije mushindu watumikilabu mibelu eyi.
Musambu 195 ne disambila dia nkomenu.
Lumingu lua dia 3 Tshisanga
Musambu 72
Min. 10: Mamanyisha ne malu mamona mu buambi. Sungula malu a mu teritware wenu adi menzeke matuku adi panshi aa ikala mua kukolesha bakuabu mu mikolo bua kudifila mu buambi.
Min. 17: “Tulongayi mukanda wa La prophétie de Daniel.” Mu nkonko ne mandamuna. Umvuija mu mêyi makese mushindu udi dilonga dia mukanda wa mu Bible wa Danyele mua kutukuatshisha. (Tangila nshap. 1, bik. 15-17, mu mukanda wa La prophétie de Daniel.) Kankamija bantu bonso bua bikale ne tshibidilu tshia kubuela mu Dilonga dia Mukanda dia Tshisumbu. (Bisumbu bia muakulu wa Monokutuba, wa Tshiluba ne wa Tshitetela nebilonge mukanda wa Bobumue mu tshitendelelu tshia Nzambi umue mulelela. Nebilonde programe udi mu mukanda wa dia 15 Tshisua-munene 1999.)
Min. 18: Ndi ne bua kumanyisha bubi bunene anyi? Mukulu enza muyuki eu ne muoyo mujima bua kuambuluisha bansonga. Kudi malu a bungi lelu’eu adi mavuambule bansonga: kakutshiena mikenji idi yambuluisha bantu bua kuikala ne nsombelu wa tshitembu to, kudi divulangana dia tshinyangu, dinua bintu bu mudi diamba ne dipanga kanemu kudi bakokeshi. Bamue bansonga badi ne nsombelu wa mpala ibidi, basokoka buenzavi buabu. Ngenzelu eyi idi ibueja tshisumbu tshijima mu njiwu ya mu nyuma. Bakuabu badi benza bubi bunene ne basua kubusokoka. Ntshinganyi tshiudi ne bua kuenza, wewe mumvue ne: kudi muanetu wa balume peshi wa bakaji mu tshisumbu udi mushipe mukenji wa Nzambi? Tangila tshiudi ne bua kuenza mu diumvuangana ne mêyi adi mu Lewitiki 5:1. (w97 15/8 mab. 27-30) Angata ngenyi idi mu mukanda wa Les jeunes s’interrogent, mabeji 68-69, ne leja tshidi muntu ne bua kuenza padi bualu bua nunku bumueneka.
Musambu 68 ne disambila dia nkomenu.