Ndongamu wa Bisangilu bia Mudimu

Lumingu lua dia 12 Luishi

Musambu 6

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Nenukonkonone malu a mu bande wa video wa La Bible: le livre le plus ancien toujours d’actualité mu Tshisangilu tshia Mudimu tshia lumingu lua dia 26 Luishi. Dikonkonona edi nedienzeke bilondeshile nkonko idi mu dibeji dia 7 dia Mudimu wetu wa Bukalenge eu.

Min. 15: “Tutumbishayi Yehowa ne bienzedi bietu bilenga.”a Ubuejemu ngenyi ya mu mukanda wa Prédicateurs, dibeji dia 187, tshikoso 2-3.

Min. 20: “Mua kufikisha bakuabu ku ditaba malu atudi tuamba.” Diyukidilangana pankatshi pa mukulu umue ne bamanyishi bapiluke babidi anyi basatu pa tshiena-bualu etshi ne pa imue ngenyi ya mu Tshibumba tshia Nsentedi tshia dia 15 Lumungulu 1998, dibeji dia 21-23. Badi bakonkonona malu adi mu kazubu kadi mu dibeji dia 23 ka: “Lenga mutshima wa mulongi webe.” Bamane kusunguluja malongesha a dishima a bitendelelu adi matangalake mu teritware, badi bambilangana mushindu wa kufikisha muntu ku ditaba malu adi Bible ulongesha pa tshiena-bualu atshi.

Musambu 208 ne disambila dia nkomenu.

Lumingu lua dia 19 Luishi

Musambu 221

Min.  8: Mamanyisha a mu tshisumbu. Luapolo lua konte.

Min. 15: Majinga a tshisumbu.

Min. 22: “Tumanyishayi dîna dia Yehowa ne malu adiye wenza.”b Mukulu udi umanyisha mushindu wa pa buawu udibu balongolole malu mu tshisumbu bua kuvudija mudimu wa buambi mu ngondo muisatu ne muinayi. Kankamija bantu bua ba bungi benze bumpanda-njila buambuluishi. Ulombe bamue bavua bampanda-njila mu ngondo muinayi wa tshidimu tshishale baleje masanka avuabu bapete mu mudimu eu. Unemenene pa bualu bua kufululula bamanyishi badi kabatshiyi bayisha bua badifile pabu mu mudimu wa buambi ne bana kabidi, ne balongi ba Bible bakuabu bua bakumbaje malu malomba bua kulua bamanyishi badi kabayi banji kutambula.​—Tangila Mandamuna ku nkonko yenu mu Mudimu wetu wa Bukalenge wa Kasuabanga 2000.

Musambu 27 ne disambila dia nkomenu.

Lumingu lua dia 26 Luishi

Musambu 48

Min.  8: Mamanyisha a mu tshisumbu. Vuluija bamanyishi bua bafile luapolo lua mudimu lua ngondo muibidi.

Min. 12: Mishindu kabukabu ya kufila mukanda wa Dimanya. Udiku ne mêyi kampanda akutuadija nawu bua kufila mukanda wa Dimanya mu ngondo muisatu anyi? Wewe mutangile panyima pa mabeji a ndekelu a nimero ya kale ya Mudimu wetu wa Bukalenge, neupete ngenyi idibu bafile bua diyuki dia kumpala ne muntu, ya bungi idi itungunuka ileja tshia kuamba paudi upinganyina muntu. Konkononayi mishindu ibidi ta isatu ya ku idibu bafile eyi. (Kabalashipu ne Tshisua-munene 1996; Kashipu 1997; Tshisanga 1998) Enzayi manaya a tshilejilu abidi mashila pa ngenyi ibidi idi mu nimero wa Tshisua-munene 1996 idi ileja mbuelelu bua kutuadija kulonga Bible ne bantu buludi. Kankamija bantu bonso bua benze muabu muonso bua kutuadija malonga a Bible makuabu.

Min. 25: “Tuanyishayi bande wa video wa La Bible: le livre le plus ancien toujours d’actualité.” Diyukila ne bateleji pa nkonko mifila mu dibeji dia 7. Umvuija ne: Traduction du monde nouveau m’Bible udibu babanye bikole menemene bualu mbamupatule bungi bupite pa miliyo 100 ne mu miakulu 37 mu bujima buende anyi tshitupa. Mu ngondo muinayi netutangile bande wa video muisatu ku eyi; neikale wa: La Bible: une force dans votre vie.

Musambu 64 ne disambila dia nkomenu.

Lumingu lua dia 5 Luabanya

Musambu 81

Min.  5: Mamanyisha a mu tshisumbu.

Min. 18: “Yehowa udi ufila bukole.”c Bateleji baleje mua kutumikila mvese.

Min. 22: “Diyisha bantu ku telefone didi dienda bimpe.”d Tshienzabu kudi mutangidi wa mudimu. Buejamu malu adi akankamija a mu Tshibumba tshia Nsentedi tshia dia 15 Tshisua-munene 1999, dibeji dia 23, tshikoso tshia 17. Lomba bantu balonde mu tshikoso malu makese adibu bapetangane nawu mu buambi adi aleja bipeta bimpe bivuabu bapatule pavuabu bayishila ku telefone. Bisumbu bidi kabiyi ne mushindu anyi ne teritware ya diyishila bantu ku nshinga nebienze muyuki muashila pa Tshibumba tshia Nsentedi tshia dia 1 Tshisanga 1994, dibeji dia 29, pa tshiena-bualu etshi: “Benga mianu ya dishima.” Nebawenze kudi mukulu mupiluke. Neumvuije malu aa: Katuena ne bua kuyisha malu adi atumbishisha ba-demon bu mudi bishima bia malu adi kaayi apetangana ne malu atu enzeka pa tshibidilu, bualu tshifukibua tshionso ntshifuka bu mudi mushindu watshi. Malu a bungi atu bantu balonda ng’a dishima ne bena Kristo kabena ne bua kuatangalaja to. Adi atangila malu a bishima adi bena mupongo benza. Tshilejilu, mu imue miaba batu bamba ne: bena mupongo badi mua kuenza malu a dikema, badi mua kudialula peshi kualula bakuabu bantu mu nyoka anyi mu nyama mikuabu itu yendela panshi bu mudi ngandu, mu ntshima ne mu nyunyu, badi mua kubuuka muulu bua kuya kuenza malu abu, badi mua kupatukilangana anyi kujimina, badi mua kukosoluela mu bimanu ne kumona bintu bijiika mu buloba. Umvuija ne: malu a bungi atubu balondelangana aa ngatu bantu bafuikakaja patupu ne balengeja padibu benda baambuluila bakuabu. Kulondelangana malu a nunku nkukuatshila Satana Diabolo, tatu wa dishima, mudimu. (Yone 8:44) Kudi kusaka bantu ku dikeba bua kumanya malu atu nyuma mibi yenza, malu adi mabi ku mêsu kua Yehowa. (Dut. 18:10-12) Mianu eyi idibu balondelangana idi ifikisha bantu ku bitabataba ne ku dibakuatshisha buôwa. Kabiena bikemesha bua muvua Paulo mubele bena Kristo ne: “Kanulamatshi ku nsumuinu ya tshianana.” (1 Tim. 1:4) Umvuija nangananga ne: muena Kristo yonso udi ne bua kuitabuja anu Yehowa ne kuepuka bilele ne malu adi mabengangane ne adi mu Mukanda wa Nzambi.

Musambu 108 ne disambila dia nkomenu.

[Mêyi adi kuinshi]