Ndongamu wa Bisangilu bia Mudimu

DIMANYISHA: Nebapatule mu Mudimu wetu wa Bukalenge ndongamu wa Tshisangilu tshia Mudimu bua lumingu luonso mu ngondo ikala mpungilu ya distrike ne bua kuenzeka. Bisumbu bidi mua kumuakajilula mudibi bikengela bua bantu bapete mushindu wa kubuela mu Mpungilu wa Distrike wa “Balongeshi ba Dîyi dia Nzambi.” Nuangate minite 15 mu Tshisangilu tshia Mudimu tshia ndekelu kumpala kua mpungilu bua kuvuluijangana malu adi makumbanyine adi mu tshisakidila tshia ngondo eu. Mu ngondo wa Kasuamansense nekuikale Tshisangilu tshia Mudimu tshijima tshilongolola amu bua kukonkonona malu manene a mu mpungilu. Bua kudilongolola ku diyukidilangana edi, tuetu bonso tudi mua kufunda mu tshikoso malu atudi tumona ne: tudi mua kuatumikila mu nsombelu wetu anyi peshi kuenza nau mudimu mu mudimu wa buambi. Netuikale mua kumvuija mushindu utudi batumikile mibelu ayi kubangila katshia tubuela mu mpungilu. Nebitukoleshe bonso patuateleja mushindu udi dilongesha dilenga ditudi bapete dituambuluishe.

Lumingu lua dia 14 Lumungulu

Musambu 3

Min.  6: Mamanyisha a mu tshisumbu ne makuabu makanyine a mu Mudimu wetu wa Bukalenge. Tangila dimanyisha didi kuulu eku didi diamba bua diakajilula Tshisangilu tshia Mudimu ne tshidibu balongolole bua Tshisangilu tshia Mudimu tshimue tshienzeka mu ngondo wa Kasuamansense, panuambulula malu manene a mu mpungilu wa distrike.

Min.  9: Ntshinyi tshiudi mulongolole bua ngondo yenzeka mpungilu ya distrike? Mukulu peshi musadidi wa mudimu ne dîku diende badi bayikila pa bidibu balongolole bua ngondo yenzeka mpungilu ya distrike. Badi bakula bua kubuela mu mpungilu wa distrike yonso mujima, kuenza bumpanda-njila buambuluishi ne pamu’apa kuya mu dikisha bua kujikija lutetuku. Bonso badi baleja ne: ki mbasue kulengulula midimu ya Nzambi bu mudi: dibuela mu bisangilu, dipatuka mu buambi ne dienza dilonga dia mu dîku, bionso ebi nansha baye ku luendu muaba mukuabu. Nebavuluke bua kufila luapolo luabu lua mudimu kudi sekretere pa lukasa, nansha bikale muaba umue ta baye ku luendu.

Min. 14: “Mpungilu ntshikondo tshia disanka!” Muyuki kudi mukulu. Umvuija bua tshinyi mu tshikondo tshitshivuabu bafunda Bible, bantu ba Yehowa bavua ne tshibidilu tshia kuenza bisangilu binene ne bua tshinyi bisangilu bia nanku bidi kabidi biambuluisha nansha lelu’eu. Bikondo ebi bitu bikolesha malanda pankatshi pa bantu ne bibapesha biakudia bia mu nyuma bilenga. Umvuija bua tshinyi bidi ne mushinga bua muntu yonso ikaleku matuku onso asatu a mpungilu wa distrike.

Min. 16: “Dilongololayi ‘mu buakane ne mu bulongame.’”a Umvuija amue a ku malu manene adibu ne bua kulongolola bua mpungilu kuenzekaye bimpe. Leja mushinga wa kulonda ngenzelu wa malu udibu balongolole bua kutuambuluisha. Konkononayi mishindu itudi bonso mua kuleja kanemu ne kuepuka bilumbu bia tshianana.

Musambu 31 ne disambila dia nkomenu.

Lumingu lua dia 21 Lumungulu

Musambu 52

Min. 10: Mamanyisha a mu tshisumbu. Luapolo lua konte.

Min. 17: “Teleja bua uvudije dimanya diebe.” Muyuki ne diyukidilangana ne bateleji. Umvuija bua tshinyi dilongesha ditudi tupeta mu mpungilu didi biakudia bia mu nyuma bia mushinga bitudi nabi dijinga. Leja ne: bidi biangata dîba dipite bungi ne bikengela kudienzeja bikole bua kulongolola programe yonso eu. Lomba bateleji bua bumvuije tshidi muntu yonso mua kuenza bua kudikuatshishaye ne kuambuluisha bakuabu. Umvuija menemene tshitudi bonso ne bua kuikadila pa miaba yetu dîba didi tshitupa tshionso tshia mpungilu tshituadija.

Min. 18: “Enza malu mimpe bua bakutumbishe!”b Umvuija bua tshinyi tutu tutamba kukoka ntema ya bantu patudi tuya mu mpungilu. Malu malenga adi bantu badi batutangila bamba adi pawu ayisha mukenji wa Bukalenge, kadi mêyi mabi adi mua kupambuisha bantu. Tela malu masunguluke atudi ne bua kuenza bua kuleja ne: tudi ne ngikadilu ya Buena-Kristo, bu mudi diditatshisha bua bakuabu.

Musambu 105 ne disambila dia nkomenu.

Lumingu lua dia 28 Lumungulu

Musambu 58

Min. 13: Mamanyisha a mu tshisumbu. Vuluija bamanyishi bua bafile luapolo lua mudimu lua ngondo muitanu. Konkononayi malu adi mu kazubu kadi kamba ne: “Mushindu mupepeja wa dienzulula abonema.” Kankamija bantu bonso batu ne abonema bua ne: kabalekedi abonema yabu ya Tshibumba tshia Nsentedi ne ya Réveillez-vous! ifika ku ndekelu to.

Min. 15: Majinga a tshisumbu.

Min. 17: “Dîyi dia Nzambi didi ne bukole.”c Enzeja manaya a tshilejilu abidi malongolola bimpe, adi aleja mushindu udi diyisha mu mêyi makese mua kukoka ntema ya muntu ku Dîyi dia Nzambi.

Musambu 79 ne disambila dia nkomenu.

Lumingu lua dia 4 Kabalashipu

Musambu 100

Min. 12: Mamanyisha a mu tshisumbu ne malu avua bamanyishi bamone mu buambi.

Min. 15: “Enza mudimu wa dinowa bikole.”d Panuakonkonona tshikoso 4, ufile tshilejilu tshia mu Tshibumba tshia Nsentedi tshia dia 15 Kabitende 1996, dibeji dia 19, tshikoso tshia 10, bua kuleja tshitu bakuabu benza bua kuvudija mudimu wabu wa buambi.

Min. 18: “Tudi benze mudimu mu teritware wetu misangu ne misangu!”e Nebatshienze kudi mutangidi wa mudimu. (Bisumbu bidi ne teritware idibu kabayi batamba kuenzelamu mudimu bidi mua kukonkonona tshiena-bualu tshia: “Bibejibeji bidi bimanyisha Bukalenge,” mu Mudimu wetu wa Bukalenge wa Lumungulu 1998.) Akulayi bua tshinudi mua kuenza mu tshisumbu tshienu bua kuvudija dienza dia mudimu mu teritware wenu. Umvuija malu malonda mu Annuaire 1997 dibeji dia 204, ne mu Tshibumba tshia Nsentedi tshia dia 15 Luishi 1996, dibeji dia 26. Leja menemene mushinga wa kulama tubeji (Note de maison en maison) tutudi bafundile bimpe bionso bidi bitangila bantu batudi bayishe ku nzubu ne ku nzubu, mushinga wa kupinganyina bantu batuvua katuyi basangane ku mabu ne wa kupinganyina pa lukasa bantu batuvua bayikile nabu.

Musambu 142 ne disambila dia nkomenu.

[Mêyi adi kuinshi]