Ndongamu wa Bisangilu bia Mudimu

Lumingu lua dia 8 Tshisanga

Musambu 39

Min. 13: Mamanyisha a mu tshisumbu ne makuabu makanyine a mu Mudimu wetu wa Bukalenge. Ku diambuluisha dia ngenyi idi mu dibeji dia 8, enzayi manaya a tshilejilu abidi adi aleja mushindu wa kufila Tshibumba tshia Nsentedi tshia dia 15 Tshisanga ne Réveillez-vous! wa dia 22 Tshisanga. Mu dinaya dionso, uleje mushindu wa kuandamuna tshipumbishi ku muyuki etshi: “Ndi ne tshianyi tshitendelelu.”​—Tangila mukanda wa Comment raisonner dib. 18-19 anyi broshire wa Mua kutuadija ne kutungunuka ne mayuki pa Bible dib. 10-11.

Min. 12: Majinga a tshisumbu.

Min. 20: “Tuenzele bantu bonso bimpe.”a Kunyima kua diyukidilangana mu nkonko ne mandamuna, ela muanetu umue anyi babidi nkonko bua balonde mushindu udibu bavudije mudimu wabu.

Musambu 157 ne disambila dia nkomenu.

Lumingu lua dia 15 Tshisanga

Musambu 101

Min. 10: Mamanyisha a mu tshisumbu. Luapolo lua konte.

Min. 15: Bampanda-njila tungunukayi ne kuambuluisha bakuabu. Mutangidi wa mudimu udi ulombola diyukidilangana ne mutangidi kampanda wa Dilonga dia Mukanda dia Tshisumbu, mpanda-njila umue ne mumanyishi umue. Mutangidi wa mudimu udi ukonkonona programe wa Bampanda-njila badi bambuluisha bakuabu udibu baleje mu Mudimu wetu wa Bukalenge wa Kasuamansense 1998 dibeji 4. Kunyima udi uyukila ne muntu yonso udibu nende bua kumona mudimu udiye mua kuenza bilondeshile mudi programe eu uleja ne mudibi biambuluisha bua kufikila ku tshipatshila atshi. Ntshinyi tshikadi tshienza bua kukumbaja tshipatshila etshi? Mutangidi wa mudimu udi ulomba bamanyishi bonso bua bamumanyishe ni badi dijinga ne diambuluisha mu mudimu wa buambi. Bantu bavuabu bambuluishe matuku mashale badi mua kubela kabidi mu programe eu bua kubambuluisha mu bitupa bikuabu bia mudimu wa buambi.

Min. 20: “Disanka dia kuenza mudimu wa ku dîba ne ku dîba.”b Kankamija bansonga bua kuikalabu bampanda-njila bambuluishi mu matuku a dikisha.

Musambu 199 ne disambila dia nkomenu.

Lumingu lua dia 22 Tshisanga

Musambu 90

Min. 10: Mamanyisha a mu tshisumbu. Ku diambuluisha dia ngenyi idi mu dibeji dia 8, enzayi manaya a tshilejilu abidi, dimue bua Tshibumba tshia Nsentedi tshia dia 1 Lumungulu kudi musadidi wa mudimu ne dikuabu bua Réveillez-vous! wa dia 8 Lumungulu kudi muanetu wa bakaji. Kunyima kua dinaya dionso, ambulula tshiambilu tshimue anyi bibidi bia ntuadijilu bidibu bafile bua kujula muntu dijinga dia kumanya bia bungi.

Min. 15: Enza malu pa dîba! Muyuki. Malu adi atangila ntendelelu wetu ne mudimu wa buambi atu ne mushinga wa bungi; adi alomba ‘tshiawu tshikondo.’ (Muam. 3:1) Tudi basue bua kupetela malu mimpe a mishindu yonso ku malu adi Nzambi mulongolole. Bisangilu bia tshisumbu ne bia mudimu wa buambi bidi ne bua kuikala bituadija pa dîba dimana kujadika. Yehowa katu muanji kushala panyima pa dîba mu dikumbaja dia malu ende nansha. (Hab. 2:3) Tudiku mua kudiakaja pa bualu ebu anyi? Bidi mua kuenzeka ne: bantu bapangile kuepuka dilonda panyima pa dîba. Kadi tuetu bikala tudilongolola bimpe, katuakuikala ne tshibidilu tshia kufika kunyima kua dîba to, kufika mu bisangilu kunyima kua musambu ne disambila dia mbangilu bimane kupita anyi tshisangila tshia mudimu tshimane kujika. Leja mishindu miakanyine ya kulonga bibidilu bimpe bikala mua kutuambuluisha bua kuikala misangu yonso pa dîba bua malu a mu nyuma onso.​—Tangila Tshibumba tshia Nsentedi 15 Kabalashipu 1990 dib. 29 [Mfual.].

Min. 20: “Utuku udifila ku dibala ne difunda anyi?”c Tshiena-bualu tshienzabu kudi mukulu. Kunyima kua diyukidilangana mu nkonko ne mandamuna, ela mumanyishi umue anyi babidi nkonko, bavuabu bambuluishe bua kumanya kubala ne kufunda mu kalasa ka ABC bua bambe disanka ne dianyisha didibu nadi bua kalasa aka. Muanetu udi wenza tshitupa etshi neangate imue ngenyi idi mu mukanda mutumina kasumbu ka bakulu wa mu dia 1 Luishi 2002. Leja programe udibu balongolole mu tshisumbu bua kalasa ka ABC. Kadi pikalaku kakuyi dijinga dia kuenza kalasa aka, leja mudibi bikengela kukolesha dimanya dietu dia muakulu ututu tuenzela bisangilu pa kubala mikanda itudi nayi ne tshipatshila tshia kuikala kumvua bimpe bidibu balongesha: ‘Tulamatayi ku dibala.’​—1 Tim. 4:13. Tangila sg dib. 29.

Musambu 191 ne disambila dia nkomenu.

Lumingu lua dia 29 Tshisanga

Musambu 162

Min. 10: Mamanyisha a mu tshisumbu. Uvuluije bamanyishi bua kufila luapolo lua mudimu wa buambi lua ngondo muinayi.

Min. 15: “Mudimu wa dimanyisha Bukalenge udi wambuluisha bua kupandisha mioyo ya bantu!”d Konka bateleji bua bambe mushindu udi mvese idi mifila ipetangana ne tshiena-bualu.

Min. 20: Makebulula menza ne mukanda wa Comment raisonner. Diyikidilangana ne bateleji. Nkonko itubu batamba kuela mu buambi idi yakula bua bimue biena-bualu bidi kabiyi mu mabeji a “Tshikebelu” (dib. 5) mu mukanda wa Comment raisonner. “Index” (dib. 439-445) udi ne mushinga wa bungi mu dikeba mvese idi yakuila malongesha etu. Lomba bateleji bua bakebe pamue nebe mandamuna ku nkonko idi ilonda eyi pa kutangila mu Index muinshi mua muaku wonso udi mu maleta maladika: Quel est le point de vue chrétien sur les drapeaux et les hymnes nationaux? (Ntshinyi tshidi mmuenenu wa bena Kristo pa bidi bitangila dibendela ne musambu wa ditunga?) Pourquoi Dieu permet-il les catastrophes? (Bua tshinyi Nzambi udi ulekela bipupu bikuata bantu?) Comment expliquer le point de vue biblique sur le divorce? (Mmunyi muudi mua kumvuija mmuenenu wa Bible pa dishipa dia dibaka?) Pourquoi et quand les soeurs doivent-elles porter une coiffure? (Bua tshinyi ne ndîba kayi didi bana betu ba bakaji ne bua kusuika tshitambala ku mutu?) Quelle est l’origine de la fête des mères? (Difesto dia bamamu ndifumine penyi?) Comment savons-nous que le nombre 144 000 est pris au sens littéral dans la Bible ? (Mmunyi mutudi bamanye ne: bungi ebu bua 144 000 mbuangata mu Bible anu mu ngumvuilu wa pa tshibidilu?) Que signifie la parabole de l’homme riche et Lazare? (Lusumuinu lua muntu mubanji ne Lazalo ludi lumvuija tshinyi?) Kankamija bantu bonso bua kuenza mudimu ne mukanda wa Comment raisonner mu buambi.

Musambu 28 ne disambila dia nkomenu.

Lumingu lua dia 6 Lumungulu

Musambu 141

Min. 10: Mamanyisha a mu tshisumbu. Diyukidila pa “Tshibumba tshia Nsentedi ne Réveillez-vous! bitungunuke ne kukuambuluisha.”

Min. 10: Tuadija kudilongolola bua tshikondo tshia dikisha. Muyuki ne diyukilangana ne bateleji. Leja midimu itu itamba kuenzeka pa tshibidilu mu tshikondo tshia dikisha: kubuela mu mpungilu wa distrike yonso mujima, kuikala mpanda-njila muambuluishi bua ngondo umue anyi ya bungi, kulongolola mu lupangu ne pamu’apa kupitshisha kapepe mu mishindu kampanda. Konka bantu bakese bua balonde tshidibu balongolole bua kuenza mu matuku a dikisha ne mushindu udibu badilongolole bua kubenga kulengulula dilonga dia mu dîku, bisangilu bia tshisumbu ne mudimu wa buambi nansha bu buobu mua kuenza luendu. Bikala tshisumbu tshienu tshikale ne teritware utubu kabayi batamba kuenzela mudimu, manyisha tshinudi balongolole bua kumuyisha muonso. Uvuluije bantu bonso bua se: bidi bikengela bua mutangidi wa Dilonga dia Mukanda dia Tshisumbu kupetaye luapolo luabu lua mudimu wa buambi, nansha bikalabu muaba kayi wonso, ku mbelu ta mu luendu.

Min. 25: “Mmunyi mudi dîku mua kushindama mu nyuma?”e Kunyima kua bamane kuyukilangana pa tshiena-bualu etshi, londa amue malu manene adi mu Tshibumba tshia Nsentedi 15 Luishi 1999 dib. 10-12.

Musambu 17 ne disambila dia nkomenu.

[Mêyi adi kuinshi]