Mushindu wa kufila bibejibeji

(Nuangata bia Mfualansa bikala bia Tshiluba kabiyiku)

Tshibumba tshia Nsentedi 15 Tshis.

“Bantu ba miaba yonso badi baditatshisha bikole bua tshilumbu tshia kuikala ne nsombelu muimpe, bu mudi kupeta mudimu muimpe ne kuulama. Kadi ukadiku mumanye se: kudi mpokolo wa nsombelu muimpe udi ushala kashidi, ne kabidi udi mua kukupetesha mushindu wa kuikala ne nsombelu wa nunku bua kashidi ne kashidi anyi? [Bala Musambu 16:8, 9.] Nimero wa Tshibumba tshia Nsentedi eu udi umvuija kutudi mua kupetela nsombelu wa bushuwa wa mushindu eu.”

Réveillez-vous! 22 avril

“Bantu ba bungi lelu’eu badi bapatuka mu bitendelelu binene bidi bimanyike bua kutendelela Nzambi mu wabu mushindu. Udi umona munyi bua ngenzelu eu? [Lekela muntu andamune.] Bible udi uleja ne: mushindu utudi tutendelela Nzambi udi ne mushinga wa bungi ku mêsu kuende. [Bala Yone 4:24.] Nimero wa Réveillez-vous! eu udi wakula bua mushindu muimpe wa wewe kukumbaja majinga ebe a mu nyuma.”

Tshibumba tshia Nsentedi 1 Lum.

“Udi mumanye muntu kampanda udi ne kusama kukole anyi udi ne bulema kansanga anyi? Kakuyi mpata, udi pebe umona ne: bantu ba nunku badi dijinga ne dibakankamija. Kadi tshitudi mua kuamba ntshinyi bua kubakankamija? Bible udi ne mêyi adi afila ditekemena. [Bala Yeshaya 35:5, 6.] Nimero wa Tshibumba tshia Nsentedi eu udi umvuija tshitudi mua kuikadila ne dishindika dia se: mulayi eu neukumbane.”

Réveillez-vous! 8 mai

“Mu tshidimu tshishale etshi, ditalala dia bantu ndinyanguke bikole kupita ne muvuabi kumpala. Udi wela meji ne: makokeshi a bantu ke adi mua kubueja ditalala pa buloba bujima anyi? [Padi muntu ujikija kuandamuna, bala Yeshaya 2:4.] Nimero wa Réveillez-vous! eu udi uleja bua tshinyi tudi ne bua kuikala ne dishindika dia se: mu katupa kîpi emu, ditalala nedibuele pa buloba bujima.”