Ndongamu wa Bisangilu bia Mudimu

Lumingu lua dia 8 Kashipu

Musambu 201

Min. 15: Mamanyisha a mu tshisumbu ne makuabu makanyine a mu Mudimu wetu wa Bukalenge. Ku diambuluisha dia ngenyi idi mu dibeji 4, enzayi manaya a tshilejilu abidi pa mushindu wa kufila Tshibumba tshia Nsentedi tshia dia 15 Kashipu ne Réveillez-vous! wa dia 22 Kashipu. Mu dinaya dionso, uleje mishindu mishilangane ya kutshimuna nayi mêyi atu bantu bamba bua kukosesha diyuki ne: “Petu apa tukadi bena Nkristo.”​—Tangila kakanda ka Mua kutuadija ne kutungunuka ne mayuki pa Bible, dib. 11 anyi Comment raisonner dib. 19.

Min. 10: Mandamuna ku nkonko yenu. Muyuki kudi mukulu, udi umvuija tshitupa etshi bilondeshile malu adi atangila muaba unudi. Pikalabi kabiyi biakanangana ne muaba unudi, nudi mua kukonkonona tshiena-bualu etshi: “Tuleje kanemu bua muaba wa ntendelelu wa Yehowa,” tshidi mu Mudimu wetu wa Bukalenge wa Luishi 1998, dib. dia 1.

Min. 20: Tudilongololayi bua kuyisha mu mpukapuka. Diyukidilangana ne bateleji pa mukanda wa Mudimu wetu, dibeji dia 93-94. Ne ngenyi idi mu dibeji dia ntuadijilu dia tshisakidila tshia Mudimu wetu wa Bukalenge wa Tshiongo 2002, nuenze manaya a tshilejilu mîpi abidi ta asatu adi aleja mua kuyisha mu mpukapuka muntu utudi katuyi bamanye, muena mutumba, mulela peshi mumanyangana nende kampanda.

Musambu 139 ne disambila dia nkomenu.

Lumingu lua dia 15 Kashipu

Musambu 144

Min. 10: Mamanyisha a mu tshisumbu. Luapolo lua konte.

Min. 15: Majinga a mu tshisumbu.

Min. 20: Tshitudi menemene ne bua kuikala tubadila bantu Bible mu mudimu wetu wa buambi. Muyuki ne diyukidilangana ne bateleji. Yezu uvua mumanye mvese ya mu Bible ne uvua uyitela bikole pavuaye ulongesha. (Luka 24:27, 44-47) Malu avuaye ulongesha kaavua a mu lungenyi luende nkayende to. (Yone 7:16-18) Bidi bikengela tuetu petu tuikale tubala Dîyi dia Nzambi. Didi ne bukole kupita bualu kayi buonso butudi mua kuamba. (Yone 12:49, 50; Eb. 4:12) Tshidi tshikoka bantu ba muoyo muimpe mbusambi ne ditekemena bidi Dîyi dia Nzambi difila. Difundilayi tshipatshila tshia kubadila bantu mvese nansha umue wa mu Bible panudi nuyisha. Manyisha bateleji ne: mu ngenyi ya kulonda bua kufila bibejibeji ngondo eu, mbelamu mvese. Lomba bateleji balonde amue malu pa mushindu udibu benza mudimu ne Bible mu buambi ne mushindu udibi bibambuluishe buobu ne bantu bavuabu bayishe.

Musambu 215 ne disambila dia nkomenu.

Lumingu lua dia 22 Kashipu

Musambu 47

Min. 12: Mamanyisha a mu tshisumbu. Muledi kampanda ne muanende badi pamue mu buambi; badi baleja mushindu wa kulonda ngenyi ya mu dibeji 4 bua kufila Tshibumba tshia Nsentedi tshia dia 1 Tshimungu ne Réveillez-vous! wa dia 8 Tshimungu. Dinaya dimue dileja mua kufila Tshibumba tshia Nsentedi ne mu dikuabu dileje mua kufila Réveillez-vous! Lomba baledi bua baleje bana babu ku kakese ku kakese mua kuenza mudimu wa buambi.

Min. 15: Ntshinyi tshiwambila muntu udi wela nkonko pa ba-Mizilma? Muyuki ne dinaya dia tshilejilu. Ku diambuluisha dia mukanda wa L’humanité à la recherche de Dieu, dibeji dia 284-303, umvuija mu mêyi makese diumvuangana didi pankatshi pa Bible ne mukanda wa Koran. (Tangila kazubu kadi mu dibeji dia 285.) Leja dishilangana didi pankatshi pa dilongesha dia ba-Mizilma didi diakula bua anyima (mu dibeji dia 297) ne diumvuija didi Bible yeye ufila. (Tangila diumvuija kuinshi kua dibeji mu dibeji dia 299.) Ku diambuluisha dia mukanda wa Comment raisonner, dibeji dia 27-32, leja mushindu wa kumvuija muntu utshidi ulongelaku bulelela tshidi Bible wamba bua anyima.

Min. 18: Mmushindu kayi undi mua kuepuka njiwu ya ku Internet? Muyuki ne diyukidilangana ne bateleji pa Réveillez-vous! wa dia 22 Tshiongo 2000, dibeji dia 19-21. Umvuija mateyi adi amuenekela muntu padiye udifila bikole mu malu a ku Internet kayi udielela mikalu, ne umvuije mushindu wa kuepuka dikuatshika mu mateyi au. Lomba bateleji bua bumvuije mushindu udi ditumikila mibelu eyi dibambuluishe. Bikala muaba unudi basombele kauyi malu a Internet, anyisha umvuije mushindu wa kutumikila mêyi adi mu tshiena-bualu etshi bua malu makuabu adi amueneka muaba unudi.

Musambu 61 ne disambila dia nkomenu.

Lumingu lua dia 29 Kashipu

Musambu 54

Min. 10: Mamanyisha a mu tshisumbu. Vuluijayi bamanyishi bua kufila luapolo luabu lua mudimu bua ngondo wa muanda-mutekete.

Min. 10: “Programe mupiamupia wa mpuilu wa tshijengu.” Muyuki. Manyisha dituku dienzeka mpuilu wa tshijengu wa musangu udi ulonda. Ambila bantu bonso bua baluemu ne bateleje miyuki ne ntema. Ambila bamanyishi badi kabayi banji kutambula bua bakebe mua kukumbaja malu malombibue bua kutambula. Enzayi muenu muonso bua kubikila balongi benu ba Bible bua balue kubuela mu mpungilu au.

Min. 25: “Tudisuikayi pamue bilenga.”a Panudi nufika mu tshikoso 3, ubuejemu mumvuija a mu Réveillez-vous! wa dia 22 Tshisanga 2000, dibeji dia 9-10. Mu tshikoso 4, ufile mumvuija a mu Tshibumba tshia Nsentedi tshia dia 1 Tshisanga 1995 dibeji dia 16-17, tshikoso 4-6.

Musambu 81 ne disambila dia nkomenu.

Lumingu lua dia 5 Tshimungu

Musambu 38

Min. 10: Mamanyisha a mu tshisumbu.

Min. 20: “Tusangishayi bantu ba miakulu yonso.”b Buejamu mumvuija a mu Tshibumba tshia Nsentedi tshia dia 1 Tshisanga 2002, dibeji dia 24. Bikalabi bienzeka muaba unudi, umvuija mu mêyi makese tshidi tshienzeka bua kuambuluisha bantu badi bakula miakulu mienyi muaba unudi; pashishe nuenze dinaya dia tshilejilu dia malu adi mu tshikoso 4.

Min. 15: Malu mamona muaba unudi. Lomba bateleji bua balonde amue malu adi mua kuambuluisha bakuabu akamonabu mu mpungilu wa distrike, mu tshikondo tshivuabu bampanda-njila bambuluishi anyi pavuabu mu midimu mikuabu ya malu etu a mu nyuma.

Musambu 184 ne disambila dia nkomenu.

[Mêyi adi kuinshi]