Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Tshisa.

“Bidimu bishale ebi bantu mbamone ne: malu a Nzambi mmanyanguke bikole mu bantu. Ukadiku pebe mumone bualu ebu anyi? [Lekela muntu andamune. Pashishe ubale Musambu 119:105.] Malu a Nzambi adi mua kuambuluisha bantu bua kuepuka mateyi a bungi mu nsombelu. Tshibejibeji etshi tshidi tshileja kutudi mua kupetela malu malelela a Nzambi.”

Réveillez-vous! 22 avril

“Bu mudi malu apita lelu’eu lubilu pa buloba ebu, bantu ba bungi badi badiebeja ni bana badi pabu benda bakola lubilu lubilu. Utuku udiebeja pebe nanku anyi? [Lekela muntu andamune. Pashishe ubale Muambi 3:1, 4.] Ku buana ki ntshikondo tshia kuambula majitu a bakulumpe nansha. Tshibejibeji tshia Réveillez-vous! etshi tshidi tshiumvuija mushindu udi baledi mua kulama bana babu mu tshikondo tshiabu tshia buana.”

Tshibumba tshia Nsentedi 1 Lum.

“Kudi nkonko itu mikolele bantu bua kuandamuna. Tangila bu mudi tshilejilu etshi. [Bala Yobo 21:7.] Utuku pebe ne lukonko luutu ujinga bua kuela Nzambi anyi? [Lekela muntu andamune.] Tshibejibeji etshi tshidi tshiumvuija mushindu udi bantu ba miaba yonso panu pa buloba bapete mandamuna adi asankisha ku nkonko minene isatu ya mu nsombelu wa bantu.”

Réveillez-vous! 8 mai

“Ba bungi ba kutudi mbamanyeku nansha muntu umue udi ne disama dia diabeta (dia nsukadi). Udiku mumanye malu a bungi adi atangila disama edi anyi? [Leja pa tshizubu tshia tshibejibeji ne ulekele muntu andamune.] Tshibejibeji etshi tshidi tshiumvuija biledi bia disama edi ne mushindu wa kudiondopa. Tshidi kabidi tshiumvuija dilaya dia mu Bible dia muondopabu bantu ku masama onso nkong.” Ujikije pa kubala Yeshaya 33:24.