Ndongamu wa Tshisangilu tshia Mudimu
Lumingu lua dia 8 Tshisua-munene
Musambu 221
Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Ku diambuluisha dia ngenyi idi mu dibeji dia 8, enzayi manaya adi aleja mushindu wa kufila Tshibumba tshia Nsentedi tshia dia 15 Tshisua-munene ne Réveillez-vous! wa dia 22 Tshisua-munene.a Mu dinaya dionso nudi mua kuleja bibejibeji bionso bibidi ebi nansha munuikala mua kuakula bua tshimuepele.
Min. 20: “Mmunyi mudi buobumue mua kuikala munkatshi mua bena Kristo balelela?”b Panuakonkonona tshikoso 5, wambile bateleji bua balonde malu adibu bamone mu mpungilu ya bantu bafumina mu matunga a bungi, malu a luibaku lua Bukalenge anyi bua diambuluisha kampanda difila didi dileja buobumue buetu bua bena Kristo.
Min. 15: “Kalasa ka Mudimu wa Nzambi bua tshidimu tshia 2004.” Muyuki kudi mutangidi wa kalasa. Wakule kabidi bua malu adi mu tshisakidila tshia Mudimu wetu wa Bukalenge wa Kasuamansense 2003.
Musambu 108 ne disambila dia nkomenu.
Lumingu lua dia 15 Tshisua-munene
Musambu 71
Min. 10: Mamanyisha a mu tshisumbu. Nukonkonone malu adi mu kazubu ka “Tuye kubatangila katuyi tujingakana.” Uleje bantu formilere wa S-70 bu binuikala nende. Leja muikala programe wa mudimu wa buambi mu dia 25 ngondo wa dikumi ne muibidi ne bua dituku dia 1 ngondo wa kumpala.
Min. 15: Didilongela ntshitupa tshia ntendelelu wetu. Muyuki mushindamene pa Tshibumba tshia Nsentedi tshia dia 1 Kasuamansense 2000, dibeji dia 14-15, tshikoso 6-10.
Min. 20: “Tuambuluishayi badi badiakaje bilenga.”c Wenze mudimu ne nkonko idibu bafile. Wakule kabidi bua ngenyi idi mu Mudimu wetu wa Bukalenge wa Tshisanga 1997 mu kazubu kadi mu dibeji 3 pa mushindu wa kuenza makumbula.
Musambu 42 ne disambila dia nkomenu.
Lumingu lua dia 22 Tshisua-munene
Musambu 10
Min. 12: Mamanyisha a mu tshisumbu. Luapolo lua konte. Ku diambuluisha dia ngenyi idi mu dibeji dia 8, longolola manaya abidi bua mushindu wa kufila Tshibumba tshia nsentedi tshia dia 1 Tshiongo ne Réveillez-vous! wa dia 8 Tshiongo.d Vuluija bantu bonso bua Tshisangilu tshia Mudimu tshia pa buatshi tshienzeka lumingu lualonda, muakulabu bua tuarte tua Instructions médicales prévisionnelles.
Min. 15: Majinga a mu tshisumbu.
Min. 18: “Tukebayi bantu ba muoyo muimpe.”e Leja mushindu wa kulonda ngenyi eyi mu teritware wenu. Ndîba kayi ditu bantu batamba kuikala ku mbanza yabu? Mbipeta kayi bidi mudimu wa mu mapingaja anyi wa ku dilolo mupatule? Ntshinyi tshinudi mua kuenza bua kupetangana ne bantu batu ku nzubu yabu anu ku mpukampuka?
Musambu 209 ne disambila dia nkomenu.
Lumingu lua dia 29 Tshisua-munene
Musambu 200
Min. 5: Mamanyisha a mu tshisumbu. Ambila bamanyishi bonso bua bafile luapolo luabu lua mudimu lua ngondo wa dikumi ne muibidi. Manyisha mikanda ituafila mu ngondo wa kumpala.
Min. 17: Badisuike bikole bua kubenga mashi. (Dut. 12:23) Diyukidilangana ne bateleji dia tshikoso ku tshikoso, dimanyine pa mukanda uvuabu bafundile bisumbu bionso, wa mu dia 1 Kasuabanga 2002. (Manya ne: Mukanda eu udi ufila ngenyi pa mushindu wa kubenga diedibua dia mashi.) Ubadisha bikoso kudi mubadi mulenga. Lomba bateleji bua bele nseka pa mushindu unudi mua kulonda ngenyi eyi muaba unudi basombele.
Min. 23: Mua kupita bimpe ne ntatu idi imueneka mu diondapibua. Muyuki kudi mukulu mukumbane, ulonda plan watumabu kudi biro bia filiale. Wakule bua malu adi mu kazubu ka “Diambulusha bua kumona mua kubenga mashi.”
Musambu 182 ne disambila dia nkomenu.
Lumingu lua dia 5 Tshiongo
Musambu 103
Numanye ne: Bisumbu kabiena ne bua kushintulula programe wabi wa Tshisangilu tshia Mudimu tshia lumingu lua dia 5 Tshiongo bua kumuenza dituku dikuabu to, anu biobi ne dikumbula dia mutangidi wa tshijengu. Mu bisumbu bionso, nebakonkonone tshisakidila tshidi tshiakula bua mpungilu anu mudibi bileja mu ndongamu wa Tshisangilu tshia Mudimu. Binuikala ne mpuilu wa tshijengu lumingu alu, batangidi ba malonga a mukanda badi ne bua kumanyisha mu tusumbu tuabu tua dilonga dia mukanda dia tshisumbu muaba ne matuku enzeka mpuilu eu.
Min. 5: Mamanyisha a mu tshisumbu.
Min. 15: Mudimu unudi nuenza kawena patupu. (1 Kol. 15:58) Diyukidilangana ne bateleji. Udianjile kulongolola bua bamanyishi bakadi bayishe matuku a bungi bua balonde tumue tu-malu pa mushindu uvua mudimu wenzeka mu bidimu bia kale. Mbantu bunyi kayi bavua mu tshisumbu tshikondo atshi? Tshisumbu tshivua ne teritware wa kuenzela mudimu bunene kayi? Ntshinyi tshivua bantu benza pavuabu babamanyisha mukenji wa Bukalenge? Ntatu ya mushindu kayi iuvua mupete? Mmunyi mudi mudimu wa Bukalenge mudiunde muaba unudi mu kupita kua bidimu?
Min. 25: “Mpungilu wa Distrike wa Bantemu ba Yehowa wa ‘Tuendayi ne Nzambi’ bua tshidimu tshia 2004.” Kudi sekretere wa tshisumbu. Kunyima kua dikonkonona dia tshikoso 1, ubale mukanda udi uleja miaba yenzekela mpungilu. Kunyima kua diyukila pa tshikoso tshia 10, ubadisha malu adi mu kazubu kadi mu dibeji 4 kudi bena budisuile (anu muaba udibu basombele au). Kankamija bantu bonso bua kutuadija kudilongolola bua mpungilu kumpala kua dîba.
Musambu 7 ne disambila dia nkomenu.
[Mêyi adi kuinshi]
a Enzayi mudimu ne ngenyi idibu bafile pa mushindu wa kufila bibejibeji bia ndekelu binudi nabi.
b Mbuelelu webe kapitshi pa munite mujima to, pashishe utungunuke mu nkonko ne mandamuna.
c Mbuelelu webe kapitshi pa munite mujima to, pashishe utungunuke mu nkonko ne mandamuna.
d Enzayi mudimu ne ngenyi idibu bafile pa mushindu wa kufila bibejibeji bia ndekelu binudi nabi.
e Mbuelelu webe kapitshi pa munite mujima to, pashishe utungunuke mu nkonko ne mandamuna.