Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Lui.

“Bantu ba bungi mitu idi ibanyunguluka padibu bamona malu mabi a bungi adi bantu benza mu dîna dia bitendelelu. Bamue mbafike too ne ku diamba ne: bitendelelu ke bikebeshi bia ntatu ya bukua-bantu. Ukadiku muele meji pa muanda eu anyi? [Lekela muntu andamune. Pashishe umubadile Buakabuluibua 18:24.] Tshibejibeji etshi tshidi tshileja tshidi Bible wamba pa bualu ebu.”

Réveillez-vous! 22 Fév.

“Bantu ba bungi lelu batu basue kulonga bua kumanya nyama, ne bamue batu ne disanka mene bua kuyimuna. Ki mmuomu anyi? [Lekela muntu andamune.] Tshibejibeji etshi tshidi tshiakula bua imue ntatu idi mua kumueneka mu dilama nyama ku nzubu. Tshidi kabidi tshiakula bua dilaya dia Nzambi dia tshikondo tshikala nyama mua kusomba mu ditalala munkatshi muayi ne kabidi ne bantu.” Bala Yeshaya 11:6-9.

Tshibumba tshia Nsentedi 1 Lua.

“Musangu mukuabu bakakonka Yezu ne: ‘Mukenji wa kumpala mu mikenji yonso mmukenji kayi?’ Tangila diandamuna diende. [Bala Mâko 12:29, 30.] Utu ukadiku muele meji bua diandamuna dia Yezu edi anyi? [Lekela muntu andamune.] Tshiena-bualu etshi tshia ne: ‘Mushindu utudi tuleja ne: tudi banange Nzambi’ tshidi tshifila diumvuija dia mêyi aa.”

Réveillez-vous! 8 Mars

“Mu tshikondo kampanda, bantu ba bungi bavua ne buôwa bua mvita ya nikleere. Udi wela meji ne: mvita ya nikleere eyi idi mua kuenzeka lelu anyi? [Lekela muntu andamune.] Tshibejibeji etshi tshidi tshiakula malu adi enda enzeka lelu adi atutangila tuetu buonso. Tshidi kabidi tshiumvuija dilaya dia mu Bible dia muikala buôwa kabuyiku kabidi pa buloba.” Bala Sefanya 3:13.