Ndongamu wa Bisangilu bia Mudimu

Dimanyisha: Mudimu wetu wa Bukalenge newikale ne programe wa Tshisangilu tshia Mudimu bua lumingu luonso mu ngondo wa muanda-mukulu ne wa tshitema. Bisumbu bidi mua kumuakajilula mudibi bikengela bua kumona mua kubuela mu Mpungilu wa Distrike wa “Tuendayi ne Nzambi.” Padibi biakanyine, nuangate minite 15 mu Tshisangilu tshia Mudimu tshia ndekelu kumpala kua lumingu lua mpungilu bua kuvuluijangana mibelu idi ne mushinga ne mikumbanyine muaba unudi idi mu tshisakidila tshia ngondo eu. Mu ngondo wa dikumi, nebalongolole Tshisangilu tshia Mudimu tshijima bua kukonkonona malu manene a mu mpungilu. Bua kumona mua kudilongolola ku diyukidilangana adi, yonso wa kutudi udi ne bua kufunda mu tshikoso malu manene a mu mpungilu, kabidi ne malu masunguluke atudi tujinga bua kutumikila muntu ne muntu mu nsombelu wende anyi mu buambi. Pashishe, netuikale mua kukankamija bakuabu pa kumvuija mushindu utudi batumikile ngenyi eyi katshia tuabuela mu mpungilu.

Lumingu lua dia 12 Tshisanga

Musambu 93

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Ku diambuluisha dia ngenyi idi mu dibeji dia 8, enzayi manaya a tshilejilu pa mushindu wa kufila Tshibumba tshia Nsentedi tshia dia 15 Tshisanga ne Réveillez-vous! wa dia 22 Tshisanga.a Mu dinaya dionso, leja mushindu wa kupita ne tshipumbishi tshia muyuki etshi “Ndi ne mudimu.”​—Tangila mukanda wa Comment raisonner, dibeji dia 19-20 anyi kakanda ka Mua kutuadija ne kutungunuka ne mayuki pa Bible, dibeji dia 11-12.

Min. 15: “Tupeshayi Yehowa tshidi tshitambe buimpe.”b Panuafika mu tshikoso 4, ulombe bateleji bua kuakulabu pa ngenzelu mimanyike itudi mua kulejila dinanga kudi bantu patudi mu mudimu wa buambi.

Min. 20: “Tutumbishayi pamue Dîna diende.”c Wenzabu kudi sekretere wa tshisumbu ku diambuluisha dia nkonko idibu bafile. Manyisha mpungilu wikala tshisumbu tshienu ne tshia kubuela. Programe ne miaba ne matuku a ngondo ikala mpungilu mua kutuadija mbileja mu tshisakidila tshia Mudimu wetu wa Bukalenge wa Tshisua-munene 2003. Udi mua kuamba malu makuabu a mushinga a mu tshisakidila etshi. Komesha pa kujula nkonko ibidi anyi isatu ya mu tshiena-bualu tshia ne: “Biakudia bia mu nyuma pa dîba diakane,” tshinualua kukonkonona mu Tshisangilu tshia Mudimu tshia lumingu lualonda.

Musambu 91 ne disambila dia nkomenu.

Lumingu lua dia 19 Tshisanga

Musambu 55

Min.  8: Mamanyisha a mu tshisumbu.

Min. 17: “Ikala ne meji a buena a Yezu.”d Ela nkonko idibu bafile. Panudi nufika mu tshikoso 4, ulombe aba badi bampanda-njila bambuluishi bua bakule bua mabenesha adibu bapete mu dienza mudimu eu.

Min. 20: “Biakudia bia mu nyuma pa dîba diakane.”e Ela nkonko idibu bafile. Panudi nufika mu tshikoso 2, ulombe muntu umue anyi babidi ba ku bateleji bua bakule mu tshikoso bua mpungilu kampanda uvuabu babuele udibu kabayi mua kupua muoyo nansha. Komesha pa kujula nkonko ibidi anyi isatu ya mu tshiena-bualu tshia: “Nuikale bakezuke mu ngikadilu yenu yonso,” tshinualua kukonkonona mu Tshisangilu tshia Mudimu tshia lumingu lualonda.

Musambu 80 ne disambila dia nkomenu.

Lumingu lua dia 26 Tshisanga

Musambu 46

Min. 12: Mamanyisha a mu tshisumbu. Luapolo lua konte. Vuluija bamanyishi bua bafile luapolo luabu lua mudimu bua ngondo muinayi. Manyisha bua mikanda ya kufila mu ngondo muitanu. Ku diambuluisha dia ngenyi idi mu dibeji dia 8, enzayi manaya a tshilejilu pa mushindu wa kufila Tshibumba tshia Nsentedi tshia dia 1 Lumungulu ne Réveillez-vous! wa dia 8 Lumungulu.f Mu dinaya dionso, leja mushindu wa kuyisha muena mudimu netu anyi mulongi netu.

Min. 15: Majinga a mu tshisumbu.

Min. 18: “Nuikale bakezuke mu ngikadilu yenu yonso.”g Ela nkonko idibu bafile. Lomba bateleji bua kulejabu mushindu uvuabu bamone mu tshikondo tshia mpungilu ne: ngikadilu muimpe udi utumbisha Yehowa. Komesha pa kujula nkonko ibidi anyi isatu ya mu tshiena-bualu tshia: “Mmuenekelu wetu ikale muimpe,” tshinualua kukonkonona mu Tshisangilu tshia Mudimu tshia lumingu lualonda.

Musambu 38 ne diambila dia nkomenu.

Lumingu lua dia 3 Lumungulu

Musambu 48

Min. 10: Mamanyisha a mu tshisumbu. Leja mu tshikoso malu atu atamba kuenzeka pa tshibidilu mu Kashipu ne Tshimungu: kubuela mu mpungilu wa distrike, kuikala mpanda-njila muambuluishi, kulongolola mu lupangu ne pamu’apa kupitshisha kapepe mu mushindu kampanda. Bikala tshisumbu tshienu tshikale ne teritware utubu kabayi batamba kuenzela mudimu, manyisha tshinudi balongolole bua kuyisha mu teritware eu yonso. Kulongolola malu mu mushindu muimpe nekuambuluishe bua kumanya ne: dilonga dia mu dîku, bisangilu bia tshisumbu ne mudimu wa buambi ki mbilengulula nansha mu tshikondo tshitudi mu ngendu anyi mu malu makuabu a tshianana. (Nsu. 21:5) Uvuluije bantu bonso bua kufilabu luapolo luabu lua mudimu wa buambi, nansha bikalabu muaba kayi wonso: ku mbelu anyi mu luendu.

Min. 15: “Bansonga wetu, balayi Dîyi dia Nzambi!”h Longolola kumpala kua dîba bua nsonga umue anyi babidi baleje mudibu benze programe wabu wa dibala dia Bible ne mushindu udiye mubambuluishe. Kankamija bansonga bonso bua kudifundilabu tshipatshila tshia kubala Bible mujima. Sakidila kabidi ngenyi idi mu mukanda wa Kalasa ka mudimu, dibeji 10, tshikoso 4.

Min. 20: “Mmuenekelu wetu ikale muimpe.”i Ela nkonko idibu bafile. Pikalaku dîba, ubale ne umvuije mvese idibu bafile.

Musambu 164 ne disambila dia nkomenu.

[Mêyi adi kuinshi]