Ndongamu wa Bisangilu bia Mudimu
Lumingu lua dia 12 Kashipu
Musambu 108
Min. 12: Mamanyisa a mu tshisumbu ne makuabu makanyine a mu Mudimu wetu wa Bukalenge. Ku diambuluisha dia ngenyi idi mu dibeji 4, enzayi manaya a tshilejilu abidi pa mushindu wa kufila Tshibumba tshia Nsentedi tshia dia 15 Kashipu ne Réveillez-vous! wa dia 22 Kashipu.a Mu dinaya dimue, nuleje mua kufila tshibejibeji mu njila kudi muntu udi kayi mumanye bimpe muakulu unudi nuakula.
Min. 18: “Tuidikijayi buakane bua Yehowa.”b Pikalaku dîba, udi mua kulomba bateleji bua kumvuijabu imue mvese idi mifila.
Min. 15: Bible mmukanda wa milayi ya kueyemena. Muyuki ne diyukidilangana ne bateleji muimanyine pa broshire wa Un livre pour tous, mu dibeji dia 27-29. Mu mudimu wetu, misangu ya bungi tutu tupetangana ne bantu badi bajinga kumanya menemene tshikale matuku atshilualua. Bible udi uleja malu mimpe adi mindile bantu bimpe mu matuku atshilualua. Nukonkonone imue milayi ya mu Bible idi ituambuluisha bua kueyemena ne muoyo wetu mujima bionso bidi Bible mulaye kumpala eku. Nulongolole dinaya dia tshilejilu dimue dîpi mudi mumanyishi uleja mushindu wa kuenza mudimu ne malu adi mu Bible bua kuambuluisha muntu udi munange bulelela bua kueyemena Bible.
Musambu 16 ne disambila dia nkomenu.
Lumingu lua dia 19 Kashipu
Musambu 83
Min. 10: Mamanyisha a mu tshisumbu. Nuyukidilangane bua mushinga wa kuikala ne programe muimpe wa dibala dia Bible dituku dionso. Welamu ngenyi ya mu Tshibumba tshia Nsentedi tshia dia 15 Tshimungu 2000, dibeji dia 32.
Min. 15: Majinga a tshisumbu.
Min. 20: “Tulombolayi malonga a Bible mimpe: Tshitupa 1.” Muyuki wenzabu kudi mutangidi wa mudimu. Lomba bateleji bua balonde malu adi mu mukanda wa Prédicateurs, dibeji dia 572-574, baleje mushindu udi malu a dilonga Bible ne bantu mende mu matuku etu aa. Jula bantu dijinga bua bashale bindile ne muoyo umue biena-bualu bikuabu bidi bilonda. Bimue biena-bualu bituakonkonona matuku adi kumpala eku nebimanyine pa malu bu mudi: mushindu wa kudilongolola bua kulombola dilonga, ne wa kuambuluisha mulongi bua kudilongolola bimpe, bungi bua malu a kulonga, mushindu wa kuenza mudimu bimpe ne Bible, ne wa kuandamuna nkonko idi mulongi ujula, mushindu wa kutuadija kusambila ne mulongi, ne wa kukoka ntema ya mulongi ku bulongolodi. Kankamija bantu bonso bua kulonda ngenyi idibu bafile ne kulama midimu ya Bukalenge eyi bua kuenzabu nayi mudimu matuku adi kumpala.
Musambu 10 ne disambila dia nkomenu.
Lumingu lua dia 26 Kashipu
Musambu 216
Min. 12: Mamanyisha a mu tshisumbu. Luapolo lua konte. Vuluija bamanyishi bua kufila luapolo lua ngondo wa muanda-mutekete. Ku diambuluisha dia ngenyi idi mu dibeji 4, enzayi manaya a tshilejilu abidi pa mushindu wa kufila Tshibumba tshia Nsentedi tshia dia 1 Tshimungu ne Réveillez-vous! wa dia 8 Tshimungu.c Mu dinaya dionso, leja mishindu mishilangane ya kupita ne tshipumbishi tshia ne: “Bua tshinyi nutu nukumbulangana misangu mivule nunku?”—Bala Comment raisonner, dibeji dia 20 anyi kakanda ka Mua kutuadija ne kutungunuka ne mayuki pa Bible, dibeji dia 12.
Min. 8: “Kufunda malu amu malelela.” Tshienzabu kudi mukulu. Bala ne nuyukidilangane pa tshiena-bualu tshionso.
Min. 25: “Mushindu wa kuyisha miaba itu bantu basumbishila bintu.”d Leja munudi badilongolole mu tshisumbu muenu bua kuyisha mu tshitupa tshia bangenda-mushinga. Nulongolole manaya a bilejilu abidi mimanyine pa tshikoso 4-5, anyi nudi mua kuenza mudimu ne ngenyi mikuabu mimpe bilondeshile muaba unudi. Pikalaku dîba, lomba bateleji bua baleje malu mimpe adibu bapete mu diyisha miaba itu bantu basumbishila bintu.
Musambu 173 ne disambila dia nkomenu.
Lumingu lua dia 2 Tshimungu
Musambu 60
Min. 8: Mamanyisha a mu tshisumbu.
Min. 22: Utuku ufila bijadiki anyi? Muyuki ne diyukidilangana ne bateleji, dimanyine pa mukanda wa Kalasa ka mudimu, dibeji dia 254, tshikoso 1-2. Patudi tumvuija ne tuleja mushindu wa kuenza mudimu ne mvese mu mudimu wa buambi anyi ku tshiakuidi mu tshisumbu, dilongesha dietu nedikale ne bukole bituafila bijadiki bia malu atudi tuamba pamutu pa kuamba anu patupu ne: ke mudibi nanku. Paudi wenza mudimu ne mukanda wa Comment raisonner anyi ne mikanda mikuabu idi miakanyine bilondeshile teritware wenu, uleje mushindu wa (1) kupatula ne kumvuija miaku anyi tshiambilu tshidi ne lungenyi lunene mu mvese, (2) kuleja bijadiki bishindame bilondeshile malu adi kumpala anyi panyima pa mvese peshi avua enzeka tshikondo tshiakafundabu mvese ne nansha kufila mvese mukuabu udi upetangana ne tshiena-bualu atshi, (3) kufila tshilejilu bua kuleja mudi malu audi muambe mikale a lungenyi ne (4) kuela nkonko bua kuambuluisha bateleji bua kuela meji pa tshinudi nuyikila. Leja bipeta bimpe bia difila bijadiki mu diyikila.
Min. 15: Malu mamona a mu tshisumbu. Lomba bateleji bua balonde malu mimpe adibu bamone a mu mpungilu wa distrike, pavuabu bampanda-njila bambuluishi, anyi mu dienza dia malu makuabu a mu nyuma matuku adi panshi aa.
Musambu 32 ne disambila dia nkomenu.
[Mêyi adi kuinshi]
a Enzayi mudimu ne ngenyi ya mushindu wa kufila bibejibeji bia ndekelu binudi nabi.
b Mbuelelu webe kapitshi pa munite mujima to, pashishe utungunuke mu nkonko ne mandamuna.
c Enzayi mudimu ne ngenyi ya mushindu wa kufila bibejibeji bia ndekelu binudi nabi.
d Mbuelelu webe kapitshi pa munite mujima to, pashishe utungunuke mu nkonko ne mandamuna.