Ndongamu wa Bisangilu bia Mudimu

Lumingu lua dia 9 Tshimungu

Musambu 57

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Bikala ngenyi idi mu dibeji dia 8 mikale ikumbanyina teritware wa tshisumbu tshienu, enzayi manaya a tshilejilu pa mushindu wa kufila Tshibumba tshia Nsentedi tshia dia 15 Tshimungu ne Réveillez-vous! wa dia 22 Tshimungu. Nudi mua kuenza mudimu ne ngenyi mikuabu. Nuakule bua mapa. Uvuluije bateleji bua kuluabu ne broshire wa Utulomba lumingu lualonda.

Min. 15: “Dinanukila didi ditupetesha difutu.”a Sakidila ngenyi mikese ya mu Tshibumba tshia Nsentedi tshia dia 15 Tshisua-munene 2000, dibeji dia 22-23, tshikoso tshia 15-18.

Min. 20: Tubangishe malonga a Bible ku diambuluisha dia trakte. Muyuki ne diyukidilangana ne bateleji dishindamene pa Mudimu wetu wa Bukalenge wa Tshimungu 2002, dibeji 7-8. Uleje patoke ne: tudi basue kuenza malu bilondeshile nsombelu wa mulongi ne mulongi, anu mudibi bileja mu tshikoso 5. Nuenze manaya a tshilejilu mîpi abidi anyi dimue mashindamene pa tshikoso tshia 8-10. Bikalaku lungenyi lukuabu ludi mua kupatula bipeta bilenga mu teritware wenu, umvuija ne benze dinaya adi pamutu pa makuabu. Lomba bateleji bua kulonda malu adibu bapete mu dienza mudimu ne trakte wa Udi musue kumanya malu a bungi a mu Bible anyi?

Musambu 74 ne disambila dia nkomenu.

Lumingu lua dia 16 Tshimungu

Musambu 189

Min. 10: Mamanyisha a mu tshisumbu.

Min. 15: Nulongeshe bana banudi balela bulelela. Muyuki mushindamene pa mukanda wa Disanka mu dîku, dibeji dia 55-59. Uleje mishindu inayi idi baledi mua kuambuluisha bana babu bua kuikalabu ne malanda mimpe ne Yehowa, pa kubaleja mushindu udibu mua kuenza.

Min. 20: “Tulombolayi malonga a Bible mimpe: Tshitupa 2.”b Enzeja dinaya dia tshilejilu dia minite itanu. Mumanyishi kampanda udi ulomba mukulu bua amuleje tshia kuenza bua kuambuluisha mulongi wa Bible bua adiunde aye kumpala mu nyuma. Mukulu udi wamba ne: bantu ba bungi batu bapitshisha mêba mavule mu dilonga dia malu a mushinga mukese adi kaayi nansha mua kuambuluisha balongi to. Ku diambuluisha dia dilonga dia 9 dia mu broshire wa Utulomba, udi uleja mumanyishi mua (1) kushindamena pa malu manene adi mu dilongesha, (2) kuenza mudimu bilenga ne mvese idi mu tshikoso ne (3) kulongesha mulongi bilondeshile majinga ende. Udi wamba mudibi bimpe bua kudianjila kudilongolola bilenga kumpala kua kulonga ne muntu.

Musambu 85 ne disambila dia nkomenu.

Lumingu lua dia 23 Tshimungu

Musambu 33

Min. 15: Mamanyisha a mu tshisumbu. Luapolo lua konte. Uleje mushindu wa kufila Tshibumba tshia Nsentedi tshia dia 1 Kabitende ne Réveillez-vous! wa dia 8 Kabitende. Mu dinaya dimue, uleje mushindu udi mulongi mua kuyisha mulongeshi mu tulasa.

Min. 10: “Mushindu mupiamupia wa kuambulula programe ya mpuilu.” Muyuki ne diyukidilangana ne bateleji dishindamene pa tshiena-bualu tshidi mu dibeji 4. Umanyishe matuku enzeka mpuilu wa tshijengu ne wa pa buende bikalawu mamanyike. Badi basue kutambula badi ne bua kumanyisha mutangidi-muludiki kumpala kua dîba.

Min. 20: Tuenze mudimu ne mukanda wa Dimanya bua kutuadija kulonga ne bantu. Mu ngondo wa tshitema tudi basue kuabanya mukanda eu ne kuenza muetu muonso bua kutuadija kulonga ne bantu. Ulonde mu tshikoso bualu budi mu Mudimu wetu wa Bukalenge wa Kabitende 1998, dibeji 4, tshikoso tshia 8. Bikala muntu mutuadije dilonga ne muntu mukanda wa Dimanya matuku adi panshi aa, nuenze dinaya bua kuleja muvuaye muenze. Uvuluije bantu bonso bua tshiena-bualu tshia “Ngenyi ya mushindu wa kufila mukanda wa Dimanya” tshidi mu tshisakidila tshia Mudimu wetu wa Bukalenge wa Tshiongo 2002. Ku diambuluisha dia mukanda wa Dimanya, enzayi dinaya dia tshilejilu ne lungenyi lumue lua ku idi mu dibeji 6 dia tshisakidila, mu tshiena-bualu tshia “Mua kuya ne malu buludiludi.”

Musambu 220 ne disambila dia nkomenu.

Lumingu lua dia 30 Tshimungu

Musambu 90

Min. 10: Mamanyisha a mu tshisumbu. Uvuluije bamanyishi bonso bua kufilabu luapolo luabu lua mudimu wa buambi lua Tshimungu.

Min. 15: “Kalasa ka Dilongesha Mudimu: Tshiibi tshinene tshia kuenza mudimu mukole.” Muyuki ne diyukidilangana ne bateleji. Sakidila ngenyi idi mu Annuaire 2004 mu dibeji dia 239-240. Wakule bua tshisangilu tshia bantu badi basue kubuela mu Kalasa ka Dilongesha Mudimu tshitubu benza mu mpuilu wa tshijengu. Ukankamije badi bakumbaje malu malomba bua kubuela mu tshisangilu etshi.

Min. 20: Ivua mikuambuluishe anyi? Diyukidilangana ne bateleji. Nuambulule ngenyi idi ilonda eyi ivua mu Mudimu wetu wa Bukalenge ya tshidimu tshia mudimu tshishale: Funda mbuelelu webe pa dibeji. (km 10/03 dib. 8) Kuela muntu kalumbandi ne muoyo mujima pa nkayende ne bua bualu busunguluke. (km 11/03 dib. 1) Yisha dîba ditu bantu batamba kuikala ku mbanza yabu. (km 12/03 dib. 1) Difundila mêba masunguluke bua kubala Bible, kulongolola bisangilu ne kuya mu buambi. (km 1/04 dib. 4) Wenze mudimu ne broshire wa ‘Bon pays’ paudi udilongela ne ubala Bible. (km 3/04 dib. 2) Udifundile tshipatshila tshia kubala Bible mujima. (km 4/04 dib. 1) Uyishe mu teritware wa muaba udi bantu basumbishila bintu. (km 7/04 dib. 4) Tuadija kulonga Bible ne bantu ku diambuluisha dia trakte. (km 8/04 dib. 2) Ulombe bateleji bakule bua mushindu udi ditumikila malu aa dibambuluishe.

Musambu 145 ne disambila dia nkomenu.

Lumingu lua dia 6 Kabitende

Musambu 197

Min.  5: Mamanyisha a mu tshisumbu.

Min. 15: Majinga a tshisumbu.

Min. 25: “Tuikalayi ne lungenyi lua bumpanda-njila.”c Ela mpanda-njila umue anyi babidi nkonko bua minite mikese. Balonde mudi tshilejilu tshia baledi, tshia bakulu anyi tshia bana betu bakuabu tshibambuluishe bua kutungunuka ne mudimu wabu.

Musambu 142 ne disambila dia nkomenu.

[Mêyi adi kuinshi]